U3F1ZWV6ZTI4MDMwMzk5ODA3X0FjdGl2YXRpb24zMTc1NDU3NTcxOTM=

رواية صبرا ياقلبي للكاتبة روز الفياض كاملة

إليكم من مدونة كلام كتب للقراءة والتحميل رواية صبرا ياقلبي للكاتبة المبدعة روز الفياض، رواية ذهب وماجد أبطال رواية صبرا ياقلبي، وسوف نقدم لكم الرواية كاملة للقراءة من البارت الأول إلى البارت الآخير 104، والرواية كبيرة للغاية كما واضح من عدد البارات، ولذلك سوف أشاركم في بداية الموضوع أفضل بارات الرواية وهما:
  • صبرا ياقلبي بارت 2
  • صبرا ياقلبي بارت 6
  • صبرا ياقلبي بارت 17
  • صبرا ياقلبي بارت 25
  • صبرا ياقلبي بارت 14
  • صبرا ياقلبي بارت 10


رواية صبرا ياقلبي للكاتبة روز الفياض كاملة
رواية صبرا ياقلبي للكاتبة روز الفياض كاملة

عن رواية صبرا ياقلبي للكاتبة روز الفياض 

نشرت رواية صبرا ياقلبي إلكترونيًا، بمعنى لا توجد نسخة ورقية للرواية حتى كتابة هذا الموضوع، ولكن الرواية حازت على أعجاب شديد من القراء في الوطن العربي، خاصة منطقة الخليج العربي، وكانت من أفضل الروايات التي تتحدث عن التعارف والمشاعر بين الأحباء مشاعر الحب والكرة والزواج في الوطن العربي، والأغراب والحياة الغربية التي نعيشها، والحب والغيرة والشك بين الناس، والرواية أبطالها هما (ذهب وماجد) حتى الكثير من القراء يطلق عليها أسم رواية ذهب وماجد، والرواية أنتشرت بشكل كبير على مواقع التواصل الإجتماعي.

من الرواية صبرا ياقلبي

اني سويت نفسي مندمجه ويه التلفزيون حسيت بي يباوعلي غلست كلي:
البارحه شنو كتلج؟
التفتت عليه بس مباوعتله كتله: شنو؟
السيد:مو كتلج هاذي الالوان متلبسيها كدام احد غيري؟
ذهب:لا كتلي الالوان الفاتحه اني اليوم ملابسه لون فاتح كلهم غوامق ازرك واسود.روز الفياض
السيد:صح بس طلعت الالوان الغامقه هم حلوه عليج.
غلست وحسيت عركت من كدما استحيت فكلي: والحل؟
ذهب:حل شنو؟
السيد:انتي .
ذهب:شبيه؟
السيد:حلوه حيل.                         
حسيت وجهي صار حار ودرت وجهي عالجهه الثانيه.
ذهب:فدوه لتحجي هيج اضوج.
ضحك كال:وغريبه وغرابتج محليتج اكثر.
ذهب:شنو الغريب؟
السيد: مستحاج مو طبيعي.
ذهب:لاطبيعي وكتلك احتاج وقت حتى اتعود انت بالنسبه الي رجال غريب صعبه اتصرف واحجي وياك هيجي.
السيد:مو هذا قصدي قصدي اول مره اشوف وحده من تخجل يصير وجها احمر هيج..روز الفياض
مجاوبته فكلي:
الجماعه راحوا ليش متنزعين حجابج بس البنات موجودات نزعيه وارتاحي منه.
نزعت حجابي وعدلت شعري بيدي وهو يباوعلي فكتله:
 لتباوعلي هيج.
ابتسم ومسح وجه بيده ورجع ليوره وكلي:
هم بس بالعيون وهم متقبلين حرام عليج  بعدين حلالي..
رفعتي الحظر عن رقمي الثاني مو؟
هزيت راسي وكتله:اممم.
السيد:اتصلي علي بالله خل اشوف.
ذهب:رفعته..
السيد:ادري بس اريد اتاكد من يارقم رفعتي الحظر نفسه اللي كتلج عليه لو قديم.
مفهمت شي طلعت تليفوني واتصلت دك عنده.
السيد:تمام هسه مسحي كل الارقام القديمه.
ذهب:ارقام منو امسحها؟
السيد:ارقامي القديمه اللي جنت ادزلج منها وتسويلها حظر.
باوعتله كتله:
يعني هذا انت من الاول!!!؟
السيد:اني.شلعتي كلبي لا اكدر احجي وياج ولااكدر اكلج بسبب سراج واصلا جنت مأيس خاصة من حددوا موعد الخطوبه كلت خلص انتهى الموضوع..روز الفياض
دار عليه لزم ايدي كلي:
بس من كلي سراج مااجي صرفت نظر سويت نفسي عصبي وشلون واتعوذ من الشيطان بس الصدك حسيت مي بارد وطاح على كلبي يعني مصدكت وردت اتأكد خلص حتى راسا اخابر اهلي يجون فخليت ضياء هم يرجع يتصل بي وكلي ميجي كتله لعد اني اليوم اخطب باوعلي مفهم شي كتله خابر عالولد كللهم تعالوا هنا السيد راح يخطب واني راح اتصل بعمي ابو عبدالله وعمي ابو علي يجون ضياء يباوعلي ميحجي كتله شبيك اتصل بيهم اني اريد اخطب البنيه واتصلت باهلي وبعدين حجيت ويه ابوج بس طول مااحنه كاعدين اني خايف لا سراج يغير رأيه ويجي لحدما عقدلنه السيد يالله ارتاحيت.
اني ساكته محجيت فكلي:
ادري الوضع مو سهل بالنسبه الج يعني انتي جنتي متوقعه خطبتج اتم من شخص وفجأه لكيتي شخص ثاني بدون علملج وموافقتج بس صدكي متلكين احد يحبج بكدي وعندي استعداد اصبر واتحمل لحد متتعودين عليه وبراحتج مراح اضغط عليج بشي اي شي ابالج او تردين تكولينه كولي اي شروط اني موافق عليها غير الدراسه.
باوعتله بعصبيه وكتله:
كله الا دراستي وهذا شرطي الاول مستحيل اوافق اترك دراستي لاي سبب..
السيد:ادري بس قصدي اذا عندج شروط غير هذا الشرط كولي مو قصدي اكلج مو موافق على دراستج.
من كلي هيج ارتاحيت كتله :
ماعندي شروط دراستي بس ومن اخلص اشتغل مااكعد بالبيت.
سكت وبعدين كلي:ان شاءالله يصير خير.
بعد ماكو شي؟
ذهب:لا
السيد:طبعا احنه محجينه بهوايه تفاصيل مثل الذهب والمهر السكن العرس.
مهرج هسه انطيجياه والذهب تردين انطيج فلوس تشترين لو تردين نروح سوه وتختارين لو تردين اني اجيبه على ذوقي؟
استحيت كتله:
لا انت جيب على ذوقك.روز الفياض
السيد:تمام باجر اني اروح اشوف قاعه حتى احجزها للمهر عالاسبوع الجاي ان شاءالله اوكي؟
هزيت راسي اوكي.
السيد:اكو شي عاجبج اسوي بالمهر غير الشغلات المتعارف عليها؟
ذهب:لا ماكو شي.
السيد:اي شي بخاطرج كولي واني اسوي لتستحين اذا تستحين مني اتصلي بامي حميده وكليلها.
ذهب:ان شاءالله.
اندك الباب دخلت عمته كالت:
اشو مالكم حس ههه.
السيد:فوتي يمه كاعدين نسولف هو اني اسولف هي ساكته.روز الفياض
دخلت عمته واجو بنات عمه كعدوا يمنه واجت الخدامه جايبه جاي وكيك وعصير.
سولفنه وضحكنه وعمته حبابه حيل كلتلي :
لتكلي عمه هو يكلي يمه وانتي هم حتى مثل ماهو ابني انتي هم صرتي بنتي.
ذهب:صار.
كام هو كال:
من رختصكم اروح اشوف ابو جبار.
كالت بت عمه:
الله يسعدكم ان شاءالله متتصورين شلون احنه فرحانين لان نشوف هيج فرحان من زماان مفرحنه هيج وهو هم خطيه خلصها قهر بقهر.
كالت الثانيه:اي والله مسكين ماعنده حظ بس ان شاءالله وجهج خير عليه.
ذهب:ان شاءالله.
عمته:من فشل زواجه الاول بعد مقبل يتزوج ويزعل من نفتح الموضوع مصدكنه من اتصل وكال اريد اخطب والله عليه نذر عجل اذا الله وفقه بت الحلال واتزوج وبس كالوا يريد يخطب راسأ نذرت خروف اوزعه عالناس الفقره والحمدلله من وفيت اليوم اول نذر.روز الفياض
رأسا بت عمه كلتلي:
بالله احجينله شلون اتعرفتي على ماجد شلون هيجي اجه خطبج لو جنتي تدرين؟
بت الثانيه:اييي عفيه احجيلنه ..
وعمته ضحكت كالت:مو كللكم شافها بالكليه.
كللولها:عمه ندري بالكليه بس نريد نعرف الاحداث شنو حجه وياها شنو سوه يالله عفيه احجي...روز الفياض
ابتسمت بس ماادري شجاوبهم من كلامهم هو محاجيلهم شي عن سراج الحقير واللي سواه فكتلهم:
ماكلي شي ولا حاجاني ولاحاجيته.
بنات عمه:لا عفيه احجي شبيج خل نشوف بالله ماجد شحجه؟
ذهب:والله مكال شي اصلا مااعرفه ولابيني وبينه كلام جنت اشوفه بالكليه وبالقسم يباوعلي بس مابيني وبينه كلام.
بنات عمه:معقوله؟؟
دخل هو كال:
شنو هو المعقوله؟
عمته:لحك على مرتك تره بدوا يحققون وياها هههه..
كعد بصفي وخله ايده على جتفي وكال:
خير شبيكم؟
بنات عمه:ردنه نعرف شلون اتعرفتوا على بعض..
ماجد:مااتعرفنه على بعض هي متعرفني بس اني سألت عنها وعرفتها بس كل شي مجانت تعرف عني شفتها بالكليه جانت عندي شغله ويه ولد صديق وعجبتني وسألت كلولي فوت وانت مغمض مشفنه عليها شي مو زين.
البنات:اييييي؟
ماجد:اي رحت سألت رئيس القسم كلي ونعم الاختيار بنيه من احسن البنات العدنه
استمريت بالسؤال والمراقبه اشهر والنتيجه جانت لصالحها.روز الفياض
عمته:وبعدين؟
ماجد:ماكو بعدين رحت دكيت الباب وحجيت ويه ابوها وخطبتها وخابرتكم هذا كل اللي صار من البدايه للنهايه.
البنات:يعني غريبه شلون وافقتي عليه بدون متعرفيه معقوله محاجي وياج ولامره؟؟
سكتت شجاوبهم هو جاوب:
شنو الغريب بالموضوع حجيت وياها مره بالكوه حجت وياي.
باوع للساعه كال:
هسه الساعه 4 ب5 نروح ارجعج للبيت.
عمته:ليش بعد وكت مشبعنه منها اول يوم تجينه.
ماجد:ابوها كوه قبل تجي وكلي متتأخر.
الساعه 5 كمنه راح هو شغل السياره واني لبست حجابي وسلمت عالكل وطلعنه.
ارتاحيت من طلعنه خفت من اسئلة البنات.
رجعنه للبيت هو مقبل يدخل كال:
عندي شغل انت دخلي وسدي الباب ..
ردت انزل سحب ايدي وكلي:
دقيقه انتظري هاج هذا مهرج واذا ردتي شي اتصلي لتستحين.
ذهب:مشكور.
السيد:العفو حقج.ممحتاجه شي؟
ذهب:لا مشكور سلامتك.
السيد:الله يسلمج.يالله هسه دخلي للبيت وسدي الباب حتى اروح.
ذه:مع السلامه.
السيد: مع السلامه.

قراءة وتحميل رواية صبرا ياقلبي - روز الفياض 

  • قراءة الرواية كاملة: أضغط هنا 
  • رابط آخر في حالة فقدان الرابط الأول، لقراءة رواية صبرا ياقلبي للكاتبة روز الفياض هنا
  • لم تتوفر رواية صبرا ياقلبي pdf حتى ألان ولكن إذا توفرت سوف نقوم بتوفيرها على موقعنا، وإذا اردتها فقط أخبرنا سوف يقوم فريق عمل الموقع بتحويلها إلى pdf.
  • أيضًا يمكنك تحميل وقراءة الكثير من الروايات الرومانسية والكتب عبر موقعنا كلام كتب.
اقرأ وحمل أيضًا
الاسمبريد إلكترونيرسالة