U3F1ZWV6ZTI4MDMwMzk5ODA3X0FjdGl2YXRpb24zMTc1NDU3NTcxOTM=

الحلقة الأولى: رواية ابادلك صمت الشفايا والاشواق وانا عليك من الوُله شاب راسي

إليكم من مدونة كلام كتب للقراءة والتحميل، الحلقة الأولى من رواية أبادلك صِمت الشّفايا والاشْواق وأنا عليك من الوَلـه شاب راسي للكاتبة ملاك الحربي، ويمكنك قراءة جميع حلقات الرواية من عبر الرابط التالي:

الحلقة الأولى: رواية أبادلك صمت الشفايا والأشواق وانا عليك من الوُله شاب راسي

شخصيات رواية روايه أبادلك صِمت الشّفايا والاشْواق

عائله ابو فهد:

‎عبدالرحمن الي هو الاب ؛حنون مع عياله ومايرضى عليهم بشي مدير شركه ابوه الي هو الجد بس مو كل الشركه يديرها لا له نص واخوانه نص عمره ٥٩.
‎بدريه الي هي الام: تحب عيالها وماترضى عليهم بشي طيبه مع الكل وتحب تتصدق كثير على الفقراء والناس المحتاجه عمرها ٤٩.

‎عيالهم :

‎فهد :هو اكبر واحد من اخوانه العيال والبنات طيب وعصبي مرات بس عصبيته اكثر شي بالشغل تكون ويحب خواته وخوانه ويتشغل بشركه جده عمره ٢٧.
‎خالد :واحد منعزل عن الناس بس من الشغل لين غرفته يشتغل بمستشفى جده عشان هو الي يديره عشان هو يحب التمريض وجده خلاه المدير لن هويته المفضله التمريض واكيد بيديره عدل عمره ٢٥.
‎راكان: يدرس جامعه بامريكا طبعا بعد اصراره على ابوه انه يروح يكمل هناك وباقي له سنه ويتخرج يدرس قانون عمره ٢٢.
‎ملاك:جميله بالحيل ولسانها طويل بعض المرات تحب الاطفال مرا وعمرها ١٨تدرس بثالث ثانوي.
‎ساره:جميله بس مو مثل جمال ملاك طيبه واذا زعلت على احد ماتسامح بسرعه عمرها ١٧تدرس بثاني ثانوي.

‎عائله ابو رعد ؛

‎صالح الاب:طيب مع عياله ومايرضا عليهم في شي يكره زوجته نوره لانها متكبره ومغروره وماتهتم لعيالها كثير عمره 53
‎نوره الام: مغروره ومتكبره وماتهتم لعيالها دايم تطلع مع صديقاتها في كل وقت ومرات ماتقول لصالح عمرها 51
عيالهم؛
‎رعد :يشتغل مع ابوه في شركته ومرات يدير نص شركات ابوه الي في الخارج عمره 26.
‎احمد :يحب الرسم من هو وصغير والهندسه متوظف مع ابوه بس ماخذ في الشركه قسم الهندسه والرسم ويفكر يحقق امنيته تعرفونها في البارتات عمره 24.
.
‎هالا :تحب الكيمياء مرا و تحب الاشياء الي فيها وتتمنى تصير دكتوره كيمياء في الجامعه عمرها 18.
.
‎تالا :توام هالا تحب اختها مرا وتحب الوناسه والفله والدراسه اخر همها عمرها ١٨.

‎عائله ابو رنيم ؛

‎نايف الاب:راعي مافيه ومخدرات واشياء كذا ومايهتم لبنته رنيم ابدا عمره 45.
‎منيره ام رنيم:زوجه نايف الي توفت .
‎سمر :تزوجها نايف بعد مامات منيره بسنه مغروه وشايفه نفسها وتحب تعذب رنيم دايم عمرها 42.
‎رنيم :تخاف من كل شي حتا الغرفه المضلمه بتعرفون بعدين ليش في البارتات وتحب ابوها مرات وتكره سمر لانها سبب في نص عذابها عمرها 18.
‎تركي :صديق رعد الروح في الروح شرطي ويحب شغله مرا عمره 25.
بدات روايتي بتاريخ 1439/10/9هـ.

  • رابط متابعة الكاتبة ملاك الحربي

  • للدخول إلى البارت الأول أضغط على التالي
<><> 

البارت الأول من رواية أبادلك صمت الشفايا والأشواق وانا عليك من الوُله شاب راسي

‎نزل مسرع وهو يسكر ازرار ثوبه وحاط الشماغ على كتفه لف وهو يسمع صوت امه ،
‎ام فهد :ليه ليه مستجعل شوي وتطيح من الدرج وش ذا الشي الي يخليك تتكسر عشانه ؟؟!!!
‎فهد بضحكه :ابد بس عبدالعزيز داق علي عازمني على عشاء وراحت علي نومه وتاخرت عليه عشان كذا مستعجل ،الا صح ليه مارحتى مع البنات المول ؟؟؟؟
‎ام فهد بتكشيره :مالي خلق اروح عاد خواتك اذا راحو المول مايشبعون منه .
‎فهد ضحك بقوه :ايه والله وانتي صادقه عاد المهم تبين شي بطلع.
‎ام فهد :لا ياعمري سلامتك وانتبه بالطريق .
‎فهد قرب وباس راسها وابتسم :ابشري اجل مع السلامه .
‎وطلع مسرع .
‎طلع ابو فهد من مكتبه وهو يشوف فهد يطلع مسرع استغرب وجاء قعد عند ام فهد بالصاله :وشعنده طاير ذا الولد؟؟
‎ام فهد :يقول عبدالعزيز عازمه وراحت عليه نومه .
‎كان ابو فهد بيتكلم الا يدخلون ملاك وساره والشغاله وراهم معها الاكياس :ميري ودي الاكياس غرفتي وشوي نروح انا وساره نتغدا الملابس وهي تاخذ ملابسها عاد .
‎ميري وهي تهز راسها :حاظر مدام ملاك ولفت وراحت.
‎لفت ملاك من راحت ميري وقربت باست راس امها وابوها وساره نفس الشي،
‎ملاك:السلام ياحلى اب وام بالعالم .
‎ابو فهد ضحك :وعليكم السلام ياحلى بنت بالعالم .
‎ساره بغيره ووتطالع ابوها بنص عين :وانا بابا مو احلى بنت بالعالم بس ملاك.
‎ام فهد ضحكت :كلكم حلوات بس تعيشتو؟؟؟
‎ملاك :وقفنا عند ماك وحنا جايين وتعشينا الحمدالله .
‎ابو فهد :مداكم جايين من السوق ومساتنسين انا عندي خبر بيونسكم بعد اكثر .
‎ملاك وساره بفضول :وش ؟؟؟
‎ابو فهد :تجهزو يوم الجمعه بعد بوكرا بنروح الاستراحه نقعد هناك كم يوم.
‎ملاك من الوناسه نقزت فوق ابوها وضمته :وناسه بابا واخيرا بنتجمع مره ثانيه .
‎ساره ضحكت :انا بروح اخذ الكعب العنابي انتي قايله الي يلبسه اول شي ياخذه ولفت تركض مع الدرج .
‎ملاك من شافتها تركض وفهت كم ثانيه وبعدين استوعبت وبصراخ :سسسسارررررره والله لو تاخذينه ذبحتك وقامت تركض وحذفت نعولها على الارض وقامت تسرع .
‎ابو فهد وام فهد ضحكو على بناتهم الي بس يقهرون بعض ،
‎ابو فهد سكت وبضيق :شلون خالد اليوم ؟؟ ام فهد طالعت فيه وبضيقه اكثر منه :نفس كل يوم جاء من الدوام اكل وراح غرفته وللحين ماطلع .
‎ابو فهد بحزن :اه بس ياخالد اموت واعرف ليه صرت كذا .

  • للدخول إلى البارت التالية أضغط على التالي:

 <><>

البارت الثاني من رواية أبادلك صمت الشفايا والأشواق وانا عليك من الوُله شاب راسي

دخلت ساره تركض لغرفه ملاك
ودخلت تدور كيس الكعب الي
من Dior يجي لونه عنابي وعلى
الاطراف كريستال خفيف
دخلت عليها ملاك شافتها
ماسكه الكيس
شهقت ملاك وبصوت
عالي:ساره صرصور وراك .
ساره انصدمت ولفت تصارخ
وتنقز وبصوت عالي:وينه
وينه يمه وتنحاش برا الغرفه .
انسدحت ملاك من الضحك
وهي ماسكه بطنها :اه ياربي
خبله ،وتكمل تضحك .
بعد ماهدت من الضحك قامت
ومسكه الكيس وفكت
الصندوق وطلعت الكعب
ولبسته طلع يجنن
عليها وقدها بالضبط من الوناسه
باست الكعب ،سمعت صوت
وراها:اجل تكذبين علي وين
الصرصور ولا بس عشان
تاخذين الكعب ياحماره .
ملاك لفت وضحكت :يب يب
عشان اخذه واخذته خلاص صار لي .
ساره بخبث :اوك اجل خلاص صار
لك بس عطيني اكياسي
عشان بروح ارتب ملابسي اخذتها
من ملاك وطلعت وهي تفكر
بمقلب قوي لملاك دخلت
لغرفتها ورتبت ملابسها وانسدحت
على السرير افتحت الجوال
وقعدت تقلب فيه لما نامت ،
عند ملاك نزلت الكعب وراحت رتبت ملابسها وبعدين تذكرت انها
جايبه خرابيط من البقاله
كودرد وشبسات وحلويات
وهاذي الاشياء عشان تابع فلم
توه نازل وراحت جابت الاكل
وشغلت الtv وشبكت الفلم على الtvوقعدت تابع وتاكل من جت الساعه
١٢بليل خلص الفلم قامت نزلت تحت تشرب ماء ورجعت لغرفتها الي لونها بيج غامق هادي وكنبه بالنص
من ايكيا وقدامها تلفزيون وعلى
الطرف مكتبها وعلاقه ملابسها من ايكيا وغرفه الملابس مرتبه ملابسها
بترتيب داخل ومبخره ملابسها
ومعطرتها بمسك وطاوله رخام موجوده بالغرفه حاطه عليها عطوراتها
ولوشنات جسمها وهالاشياء
عشان ماتحب التسريحه بس حاطه مرايه كبيره واقفه ولها من ورا
اشياء تمسكها ونامت ملاك
بعد يوم حلوه بالنسبه لها
هي وساره عشان راحو الشوبينق .
 

  • للدخول إلى البارت التالية أضغط على التالي:

 <><>

البارت الثالث من رواية أبادلك صمت الشفايا والأشواق وانا عليك من الوُله شاب راسي

يوم جديد ،
كان ابو فهد قاعد على طاوله الطعام وبجانبه زوجته ام فهد وقدامها فهد يفطرون ،
ابو فهد : فهد شلون الشغل معك يابوي عساك مرتاح ؟؟؟
فهد وهو ياكل :ايه يبه مرتاح بالشغل واليوم عندي اجتماع الساعه ٧عشان كذا بروح بدري مابي اتاخر.
ابو فهد :كفو هاذا ولدي الذيب .
فهد بضحكه :كفوك الطيب .
نزلت ملاك لابسها مريول المدرسه ورافعه شعرها ذيل حصان ولابسه سبورت NIKE وحاطه على شفايفها مرطب ولابسه شنطتها الظهر الي من PUMA،
ملاك :صباح الخير ،قربت وباست راس امها وابوها ،وقعدت.
ام فهد :صباح النور وين ساره ؟؟؟
ملاك :دخلت غرفتها عشان باخذ منها المرطب حقي لقيتها تسوي شعرها الحين تنزل،الا نزلت ساره وباست راس امها وابوها وقعدت :صباح الخير.
ابو فهد :صباح النور.
فهد :بتروحون مع مين اليوم؟؟؟
ملاك ؛مادري بس اتوقع السواق .
ساره بتمثيل الحزن نزلت راسها:بنروح مع السواق ماعندنا اخوان يودونا.
فهد طالعها بنص عين وضحك:كسرتي خاطري خلاص اليوم انا بوديكم .
ساره ضحكت :كفو انشالله كل يوم تودينا.
الباقين كانو يضحكون على هبال ساره من الصبح ،قطع عليهم خطوات من الدرج رفعو روسهم يبون يشوفونه مشتاقين له من زمان عن هباله وكلامه وسوالفه ،نزل بهدوء وهو لابس بنطلون اسود وتيشرت بيج وصل لاخر عتبه بالدرج رفع راسه لقاهم يطالعون فيه وساكتين ،نزل راسه وراح بهدوء باس راس امه وابوه :السلام عليكم.
ابو فهد ببتسامه:وعليكم السلام،شلونك ياولدي ؟
خالد بجفاف :الحمدالله تمام .
ام فهد :اقعد كل لك كم لقمه قبل تروح اذا عندي غلا عندك كل لو شوي.
خالد سكت وبتفكير قعد عشان امه،ملاك وساره من الوناسه اخذو صحنه وقامو يحطون له من كل الانواع الموجوده لما امتلى الصحن نزلو واخذو كوبه وصبو له حليب وسوو له كل شي ،ملاك ببتسامه :بالعافيه ياحلو .
ساره بفرحه :كل جعل ماياكل غيرك .
خالد طالعهم .
  • للدخول إلى البارت التالية أضغط على التالي:
 <><>

البارت الرايع من رواية أبادلك صمت الشفايا والأشواق وانا عليك من الوُله شاب راسي

خالد طالعهم شلون مستانسين له وضحك بخيف :ياقلبي انتو تعالو بس وفتح ايدينه ،نقزو ملاك وساره بحضنه وضموه بقوه وخالد يشد عليهم ،فهد طالعهم بطرف عينه :الحين كل هاذا
عشان خالد وانا طيب!!!!!?
خالد بضحكه خفيفه :ياليل
بدينا الغير بس.
فهد :من زينك اغار منك .
خالد ضحك:ايه طيب.
ابو فهد :ملاك وساره ابعدو
عن خالد اتركوه ياكل عشان مايتاخر.
ملاك ببتسامه رفعت راسها
وباست خده ونزلت وقعدت على كرسيها وساره مثلها .
بعد كم دقيقه كل واحد
راح على دوامه والبنات راحو المدرسه وداهم فهد ،مابقا بالبيت الا ام فهد الي لبست عباتها واخذت شنطتها
وطلعت مع السواق مرت حق التمور واخذت كراتين تمر وراحت السوبر ماركت واخذت كراتين ماء وراحت
حي الي فيه ناس محتاجه ونزلت
وقامت تعطيهم كراتين
هاذا الشي يسعدها بالحيل .
__
كانو يتغدون على الغداء ،وقطع الهدوء وصوت الملاعق
والاكواب ابو رعد:ترا بوكرا بنطلع
الاستراحه مع عمكم عبدالرحمن
وعياله تجهزو .
تالا بفرحه:الللله وناسه واخيرا .
هالا وهي تصفق:كفو يبه ايه والله
واخيرا.
رعد بضحكه :شوي شوي ترا دايم
تروحون .
تالا :هناك وناسه وكذا وفعاليات
ولعب واشياء حلوه .
هالا :ايه عشان كذا مستانسين.
ام رعد بتكشيره:وين الوناسه
في الموضوع كلهم على بعضهم يعننني.
ابو رعد بحده:نوره تبين تروحين
حياك ماتبين بكيفك ونزل الملعقه
على الصحن بقوه وقام راح
يريح شوي لين اذان العصر.
رعد بتافف قام وراح غرفته .
هالا:يمه بفهم ليه ماتحبينهم وش سوو لك.
ام رعد بغرور :
  • للدخول إلى البارت التالية أضغط على التالي:  
  <><>

البارت الخامس من رواية أبادلك صمت الشفايا والأشواق

نوره بغرور :انتي شايفتهم شلون
حركاتهم كانهم شغالات .
تالا بعصبيه :يمه حدك عاد
على عمتي وعمي
وعيالهم ،وطلعت لغرفتها
نوره بصوت عالي:مابقى
الا انتي ترفعين صوتك علي .
هالا :يمه انتي الي
تجبريننا ترا ،وقامت تلحق تالا .
دخل احمد البيت وهو دايخ من
تعب الدوام والشغل،رفع راسه
شاف امه معصبه وتتحلطم :
وش فيك.
نوره شمقت :جاء الثاني الحين
بروح غرفتي احسن وراحت.
احمد هو مستغرب وش
فيها :روزينا روزينا .
روزينا الشغاله :نعم بابا احمد .
احمد :انا بروح فوق ببدل وانتي
جيبي لي غداي فوق بغرفتي.
روزينا : اوك بابا .
راحت روزينا واحمد راح فوق
بدل ودخل ياخذ شور
بعد ماطلع لقا الاكل
على الطاوله راح يلبس وقعد
ياكل من خلص راح غسل ونادا
روزينا تاخذ الاكل وطفا الليت
ونام بسرعه من التعب.
.
.
كان جاي من الدوام وراح غرفته
مو مشتهي اكل قعد وطلع دفتره
الي دايم يكتب فيه ويفضفض
فيه وقعد يكتب ،
'
.
‏"لا أحد يعلم بماذا تشعر وكيف تعيش، م الذي أفقدك ثقتك بمن حولك وحبب إليك عزلتك، لا أحد يعلم بكل المعارك التي تخوضها مع ذاتك طوال اليوم،لا أحد لا أحد..!"
.
'
‏"طالماً أني محيّت مكانتك الأولى من قلبْي بنظري ماله داعي أتعامل معك على أساس أنك عدّو لي بترجع غريب مايهمني أمرك أبداً..!"
  • للدخول إلى البارت التالية أضغط على التالي:  
  <><> 

البارت السادس من رواية أبادلك صمت الشفايا والأشواق

وبعد وقت طويل بعد ماطلع كل
الي في قلبه بالدفتر قام ودخل
ياخذ شور ولبس ملابسه وانسدح
على السرير يفكر وبدون
شعور نزلت دموع منه '
'
"كم أنا بحاجة اليكِ
‏الى سماعِ صوتكِ.. الى رؤيتكِ
‏والشعور بأنك معي ..
‏كثيراً ما تمنيتُ أن التقي بكِ
‏ولو دقيقةٌ واحدة ‏أرى فيها ملامحك ..عينيك..ابتسامتك ‏فقد ألمني الاشتياق كثيراً"
وبدون شعور وهو يفكر نام ودموعه بعيونه.
قامت من النوم شافت الساعه
لقتها ١٠ قامت وراحت تاخذ
شور ولبست بجامه كامله لونها وردي واخذت جوالها ونزلت تحت
مالقت احد كلهم نايمين وبنفسها:وش تسوين ياملاك كلهم نايمين وبحوع
اخذت جوالها ودقت
على ماك وطلبت لها
اكل وقعدت على الجوال
تنتظره بعد ساعه جاء اكلت
وخلصت وراحت غرفتها تابع
مسلسلها بعد ماخلصت مسلسلها
شافت الساعه لقتها ١٢ قامت
وراحت ترتب ملابسها حقت
الاستراحه وتجهز وش راح تلبس
بوكرا بعد ماخلصت طلعت
لها شنطه صغيره وحطتها
دقت على البقاله وطلبت
حلويات وشبسات وعصاير
وبوب كورن واشياء مثل كذا
من وصل رتبتهم بالشنطه الصغيره ومسكت جوالها وطلبت
ورق عنب وملفوف وكذا مقليات
عشان تاخذهم بوكرا معها
وطلبت حلى واحد بالوتز وواحد
بالكتكات وقال بوكرا يجيك
على الساعه ١٢ عشان هم بيمشون بعد الغداء ومن خلصت كل شي نامت .
'
يوم جديد،
في بيت يحمله العذاب والكراهيه والحقد بيت ابو .
اقرأ وحمل أيضًا
تعديل المشاركة
الحلقة الأولى: رواية ابادلك صمت الشفايا والاشواق وانا عليك من الوُله شاب راسي

كلام كتب

تعليقات
    ليست هناك تعليقات
    إرسال تعليق
      الاسمبريد إلكترونيرسالة