U3F1ZWV6ZTI4MDMwMzk5ODA3X0FjdGl2YXRpb24zMTc1NDU3NTcxOTM=

قراءة رواية جنون العشق كاملة

جنون العشق، رواية رومانسية أثارت الكثير من الجدل عبر مواقع التواصل الاجتماعي، خاصة إنستغرام، حيث تشارك كاتبة رواية جنون العشق أجزاء (بارت) من الرواية كل بضعه أيام، والرواية نالت أعجاب الكثير من القراءة خاصة في المنطقة الخليجية وأكثر من نساء المملكة العربية السعودية، حيث الرواية تتحدث عن الرومانسية والحب وما يعبر عن مشاعر الأنثى، ولذلك أثارت أعجبهم، وسوف أشاركم على مدونة كلام كتب للقراءة والتحميل آخر بارت نشرت من الرواية، وأيضًا حساب الكاتبة حيث يمكنك من قراءة رواية جنون العشق كاملة.

قراءة رواية جنون العشق كاملة

آخر بارت نشرت لرواية جنون العشق

البارت 470

‏مؤيد
واقف عند باب الحمام وهيا جواته وتبكي بكل صوتها رفع صوته : نهااال افتحي الباب ، افتحيه يانهال
نهال كانت جالسه بالحمام وسانده جسمها على الباب وتشهق : مؤيد ما اقدر والله ما اقدر احس اني بموت لو سرله شيء
مؤيد غمض عيونه بألم وبحنيه : افتحي طيب ، بطال تبكي بالحمام افتحي
وقفت برجفه وفتحت الباب بهدوء واول ماخرجت جرها وحضنها وهيا بكيت بألم : ما اعرف كيف كدا ، ما اعرف كيف حملت ، ممكن اخسره يا مويد ، ما ابغى اخسر انا ابغاه ، ولدي دا ، دا ولدنا يامؤيد
مؤيد بعدها ومسك وجهها بين يدها : نهال ، حبيبي نهال اسمعيني اهدي ، اهدي واسمعيني
سحبها وجلسها على السرير وجلس جنبها ومسك يدينها بين يدينه يحاول يخفف رجفة جسمها : اسمعيني دحين حنروح لدكتورتك ورح نبدأ العلاج ومارح يسير الا الي ربي كاتبه
نهال بغصه : بس ممكن اخسره بأي وقت قالتلي اتوقعي كل شيء
مؤيد : اربعين بالميه ، اربعين بالميه الخطر بس ، إنتي لازم تلتزمي بالادويه والابر عشان السيوله الي بدمك ومارح يصير الا الي ربي كاتبه
نهال بألم : مارح اتحمل اني ممكن اخسره وكل يوم اقوم بخوف اني فقدته
مؤيد سحبها لحضنه : احنا بناخد بالاسباب وان شاء الله ربي بيسهل لنا كل شيء قولي الحمدلله
نهال اخدت نفس وغمضت عيونها تحس بصداع بياكل راسها من البكى همست: الحمدلله ، الحمدلله .
 دلال
فتحت باب الشقه وشالت الطرحه واخدت نفس
رمت نفسها على الكنبه كعادتها اليوميه لما تجي من المستشفى رمت شنطتها جنبها غمضت عيونها ومسكت راسها لثواني وبعدها مسكت جوالها واتصلت برواد مارد عليها اتأففت : افف منك يارواد فين ماخد عيالي
دق الجرس اتوقعته هوا وقفت واتجهت للباب فتحته وبإندفاع : انتَ ماتبطـ
انبترت كلمتها وهيا تشوف الي واقفين قدامها
همس بهدوء : السلام عليكم
دلال جمدانه بمحلها مو مصدقه انه قدامها لا اكيد حلم ابوها جي لها ابوها الي من اول ماعرفت انها بنته ماشافته الا مره وحده تواصله كله مع رواد ماكان لها اي تواصل فيه وجنبه سهر والي صدمها اكثر بطنها المنتفخه وظاهره بشكل كبير ! حامل ؟

البارت 471

دلال
نطقت بعد فتره : وعليكم السـ ـلام
" بعد ربع ساعه "
دخل رواد ومعاه إلياس والماس وانصدم من وجودهم ايش يبغو هدول قلهم اتركونا بحالنا بس مصرين يتطفلوا عليهم ويخربو حياتهم ودلال مستقبلتهم وجالسه معاهم ؟ بتجلطه !
نطق بقهر : دوبك اتذكرت انه عندك عيال ولا عشان انقطع عنك المبلغ الشهري الي بتاخده ؟
دلال طالعت فيه بلوم : رواد مو وقته دا الكلام جايين يخبرونا بشيء مهم
سهر طالعت بولدها بشوق وحنان فتره طويله ماشافته بتنجن عليه نفسها تنط وتحضنه بس عارفه بيرفضها
ضحك بسخريه : ماشاء الله امي حامل ! ، نفس الغلط طحتي فيه مره تانيه بس المختلف دي المره قضيتو على الجزء الي كان مخرب عليكم
وليد بهدوء : رواد اسمعني احنا جييـ
رواد بإندفاع : ما ابغى اسمع شيء لو جي لدلال فهي قدامك انا مالي كلام معاك
سهر دافعت : رواد حبيبي اسمعني طـ
رواد صرخ بقهر : ما ابغى اسمعك ولا اسمعه انا ما ابغاكم افهموني ما ابغاااكككم بحيااتتتي
إلياس والماس طالعوا فيه بخوف لأول مره يشوفوا خالهم بدي العصبيه ويصرخ دلال وقفت وسحبتهم ودخلتهم غرفتهم
سهر بكيت : طيب ممكن تجلس وتسمع
رواد طالع فيها بغضب وهوا ساكت
وليد اتكلم بهدوء : نبغاكم تعيشوا معانا
رواد بسخريه : والله معاكم ؟
دلال خرجت لهم بعد مالهت عيالها بالايباد نطقت بهدوء : بس احنا مرتاحين هنا
وليد : بس احنا بالاول والاخير عايله واحد
رواد بغضب : دوبك اتذكرت اننا عايله واحده الذنب اكل قلبك ؟
دلال طالعت فيه : اهدى
رواد بقهر : شوفي ايش قاعدين يقولو بعد كل الي سووه فينا يبغونا نعيش معاهم وكأن شيئاً لم يكن !
دلال : بس انا موافقه
رواد الصدمه احتلت كل شيء فيه ردد : موافقه ؟
وليد : لانه دا الشيء الصح يارواد احنا عايله مهما كان ولازم نتصافى ونـ
رواد وقف : نتصافى ! صح نتصافى ، تبغي تروحي انتي روحي معاهم ، اذا انتي مسامحه الي اتسببو بقتل امك انا مو مسامح
ومشي من قدامهم وخرج من الشقه
سهر طالعت بدلال : ليه سويتي كدا
دلال اتنهدت : عشانه مو عشاني ، قلت كدا لانه رواد محتاجك ياسهر مهما حاول انه يخفي دا الشيء بس هوا محتاجك ومافات الوقت انه تصلحي دا الشيء .
رواد
خرج وهوا كتلة نار من العصبيه دلال جننته بردها عليهم مجنونه دي بتروح تعيش معاهم وهوا الي قال خلاص استقروا وبعدو عن وليد وسهر وهمهم
كان بيخرج من العماره بس وقفه الصوت الي سمعه
كان صوت بسه بس من ادمي : بسس بس
لف وهوا يدور على مصدر الصوت الى ما التقت عيونه فيها فاتحه الباب مخرجه راسها منه : متضايق ؟
رواد اتنهد : ايوا ياجمانه خير ؟
جمانه بتهور : خدني معاك
 

البارت 472

 رواد
رجعت ظهرها على الكرسي بملل : مو ناوي تتكلم ؟
رواد وهوا يطالع بأنحاء الكوفي : ايش اقول !
جمانه : الي مضايقك
جا بدي اللحظه الجرسون وحط قدامهم مشروباتهم
طالع فيها بسخريه : ايش طالبه انتي ؟
جمانه هزت كتوفها : خليني ابرد على قلبي الدنيا مقفله بوجهي
رواد ضحك بدون نفس : إنتي الدنيا مقفله بوجهك ؟
جمانه : ايش قصدك تراني انسانه واكيد ليا مشاكل وهموم
رواد : بس احس انه انتي الوحيده الي ماخده الدنيا لعب وفله
جمانه ضحكت : لعب وفله وايش وراه يارواد ؟
رواد كرر : ايش وراه ياجمانه
جمانه : صدقني اذا ماضحكت وفليتها كان دحين تترحم عليا ميته بجلطه
رواد : لدي الدرجه ؟
جمانه هزت راسها : واكتر - وسكتت لدقايق - مستعد تسمع
رواد : اسمع ايش ؟
جمانه : انتَ ماتبا تتكلم ، خليني انا اتكلم
رواد اتنهد : اتكلمي ياجمانه ، انتي انشب وحده شفتها بحياتي
جمانه عدلت نفسها : اممم اسمع ياسيدي انا كنت بنت لام واب مشغولين ٢٤ ساعه ، بس شغل شغل شغل الشغل ، انا كنت ضايعه يارواد ماكان احد يهتم فيا كنت على طول مع الخدامه تقدر تقول كنت احتاجهم نمط حياتهم انا ماكان ليا اي مكان فيه تخيل مره رجعت من المدرسه وابغى اشاركهم شيء سويته وفرحت فيه اروح لماما -وبغصه وألم- تقولي مو فاضيه لك ياجمانه روحي لأبوكي اروح لبابا اجري بس الاقيه خارج يقولي بكرا يابابا مشغول دحين يومها خلاص معد قدرت اسكت خرجت من البيت بنت عمرها ٧ سنين خارجه الشارع تبكي ومعاها لعبتها تدور احد يسمعلها كنت ابكي عيوني مغبشه بسبب الدموع مشيت للسكه كنت بقطع الشارع مو عارفه فين ابغى اروح بس ابغى اخرج من عندهم وانا اقطع السكه -غمضت عيونها بألم- صدمتني سياره ، فقت بالمستشفى وهما حوليني حسوا بالذنب حسوا انهم كانو مهمليني وقد ايش مهم سائلين فيا جدتي دريت وجات وعاتبتهم وقالت لهم حاخدها عندي انتو مو قد مسؤولية طفله تخيل يارواد وافقوا لجدتي تاخدني واعترفوا انهم مو قد المسؤوليه وكأنه كانوا يستنوا دا الشيء من زمان -اتنهدت بوجع- عشت عند جدتي ثلاثه سنين ثلاثه سنين وهما ما اشوفهم الا بالسنه مره ، تخيل ام وابو مشغولين لدرجة مايشوفوا بنتهم الا يوم بالسنه ! -اخدت نفس- يوم بعد دي السنين اتذكروني ندموا اعتذورا وقرروا انه بياخدوني معاهم ، جدتي كان صعب عليها غيابي اتعودت عليا وانا اتعودت عليها بس كنت فرحانه يارواد كنت فرحانه اخيراً حسوا فيا كنت اوعد جدتي بجي ازورها كل يوم لميت اغراضي وجلست استناهم واستناهم الى ما اتصل التلفون وردت جدتي وجا الخبر الي هدنا كلنا ، امك وابوكي ياجمانه سارلهم حادث واتوفوا الله يرحمهم !

قراءة رواية جنون العشق كاملة


ولقراءة الرواية كاملة، يمكنك ذلك عبر حساب الكاتبة على إنستغرام، حيث جميع بارت الرواية توجد على حسابها، وتنشر كل يومين بارت جديد من رواية جنون العشق، ويمكنك متابعة حسابها عبر الضغط على الرابط التالي:

إذا كنت تريد رواية معينة فقط أخبرنا بأسم الرواية في التعليقات، وسوف ننشرها على مدونة كلام كتب، فلا تنسوا متابعة المدونة
اقرأ وحمل أيضًا
الاسمبريد إلكترونيرسالة