U3F1ZWV6ZTI4MDMwMzk5ODA3X0FjdGl2YXRpb24zMTc1NDU3NTcxOTM=

رواية ابنتي ولكن بقلم ياسمين علي - الحلقة الأولى (1)

الحلقة الأولى من رواية ابنتي ولكن بقلم الكاتبة المتميزة ياسمين علي، ونتمى لكم قراءة ممتعة عبر مدونة كلام كتب للقراءة والتحميل (PDF). 
  • لدخول إلى فهرس قراءة الرواية كاملة أضغط هنا
رواية ابنتي ولكن بقلم ياسمين علي  

 الحلقة الأولى (1) - رواية ابنتي ولكن

فاطمة : ازيك ياوعد ياحبيبتي
وعد : الحمدالله ياابلة فاطمة ... حضرتك عاملة ايه وعمر وسندوسة فينهم
فاطمة : كويسة ياحبيبتي .. عمر نزل شغله وسندوس لسه مصحتش نوم الظالم عبادة
وعد بضحك : ليه بس كدا دي عسولة اوي والله
فاطمة : انتي الي عسل والله ياحبيبتي.. انتي نازلة بدري كدا راحة الكلية !
وعد : لا انا خدت اجازة اسبوع .. هروح عند خالتو عائشة وحشتني اووي وعاوزة اشوفها
فاطمة : طب وصللها سلامي ونبي علشان هي وحشااني انا كمان والله الست عائشة دي بركة عمارتنا من غيرها العمارة زي مانتي شايفة كدا مضلمة
وعد : حاضر ياابلة فاطمة هسلملك عليها
فاطمة: توصلي بالسلامة ياحبيبتي
وعد : الله يسلمك
--
*وصلت وعد فيلا الهلالي *
وعد : ايوة ع جنب هنا لو سمحت .... شكررا
سلامةة : الست وعد يااهلا وسهلااا .. دي الست عائشة هتفرح اووووي
وعد : ازيك ياعمو سلامة وازاي الاولاد
سلامة : الحمد الله كلهمم بخيير .. وانتي ايه اخبارك يابنتي
وعد : الحمدالله ياعمو اهو كويسة ... هي خالتو عائشة صحيت
سلامة: الست عائشة صحيت من ساعة وزمانها ف المطبخ بتحضر الفطار
وعد : شكرا جدا ياعمو
سلامة : العفو يابنتي
---
*ف المطبخ*
عائشة واقفة بتجهز الفطار ووعد داخلة ببطء ومن غير صوت وحضنت عائشة من ضهرها
عائشة بفظع : بسم الله الرحمن الرحيم .. ميين وعد يااحبيبتيي يابنتي وحشششتينييي اوووي وخدتها ف حضنها
وعد بتبادلها الحضن : وانتي كمان ياخالتو والله وحشتينييي اوووي
عائشة : مقولتليش ليه انك جاية كنت بعت سلامة يجيبك من محطة القطر
وعد : مالهوش لزوم بقا انا قولت اعملك مفاجأة
عائشة : واحلي مفاجأة ف الدنيا وبتبوس وعد
صوت من بعيد : ياعائشة .... انتي ياللي اسمك عائشة
عائشة : حاضر ياست هانم جاية ...
وعد ياحبيبتي افطري وانا هروح اشوف الست هانم واصحي سيف وفرح واجيلك
وعد : لا استني بس انا فطرت روحي انتي للست هانم وانا هروح لسيف .. ااقصد هصحي سيف وفرح متقلقيش
عائشة: ماشي متتأخريش بس
--
وصلت وعد اوضة سيف فرحانة انها هتشوفوا بتفتح الباب ... سيف نايم ع السرير باهمال بهدوم الخروج وبالجزمة وفاتح زارير القميص .. اتنهدت
وعد : سيف .. سيف اصحي الفطار جهز
سيف : سبيني انام انا راجع الصبح وملحقتش انام ...وشد الغطا عليه
وعد شالت الغطا من عليه :.... ع الاقل قوم غير هدومك دي وكمل نوم
سيف فتح عينه شافها قام بعصبية : وانتتي مااالك ... انتي دخلتي هنا ليه اصلا !!!
وعد بتوتر وخوف : خالتو عائشة هي اللي قالتلي اصحيك تفطر
سيف : شكرا ياستيي ... قولتلك عاوز انام اتفضلي اخرجي وطفي النور
وعد : حاضر
خرجت وهي مضايقة
--
نهلة : سااعة بناادي عليكي... كنتي فيين !!
عائشة : معلش ياست هانم وعد جت وكنت ....
نهلة : خلاص خلاص مش لسه هتحكي ... المهم كمال خرج امتي
عائشة :من نص ساعة ياهانم
نهلة: والولاد لسه مصحوش
عائشة : وعد طلعت تصحيهم ياهانم
نهلة: وهي وعد جاية زيارة يوم ولا هتقعد
عائشة : هتقعد اسبوع ياهانم بعد اذن حضرتك
نهلة : بعد اذني فين ماهي جت خلاص
عائشة بزعل: تحبي تأمريني بحاجة
نهلة : لا روحي شوفي شغلك
عائشة : حاضر ياهانم .. ومشيت
نهلة ببرطمة : قال جاية تقعد اسبوع قال فاكرة نفسها في بيت اهلها
--
*ف شركة كمال الهلالي*
كمال : انا معرفتش انام طول الليل ونزلت الشغل اول لما صحيت .. انا مش عارف اعمل ايه ف الورطة دي ياسعيد اتصرف .. شوفلي حل
المحامي سعيد : اهدأ ياكمال بيه كل حاجة وليها حل
كمال : اهدا ازاي وكل حاجة بتضيع من ايدي !!
المحامي : مافيش غير حل واحد للموضوع داا
كمال : ايه هوو .. اتكلم
--
عائشة دخلت المطبخ وهي متضايقة ووعد كمان كانت ف المطبخ متضايقة
عائشة : وعد صحيتيهم
وعد : اه ياخالتو فرح صحيت
عائشة : وسيف !!
وعد : مصحاش .. انتي فيكي حاجة ياخالتو مالك اوعي تكون العقربة ضايقتك !
عائشة: اتعودت يابنتي خلاص
وعد:يبقا ضايقتك .. انا هعرفها ازاي تضايقك
عائشة مسكت ايدها: وعد انا مش عاوزة مشااكل مع حد مش عاوزة حد يكرهك ياحبيبتي
وعد : انتي تاعبة نفسك ليه ياخالتو ايه يخليكي تستحملي الاهانة .....معاش جدو يعيشنا وان كان علي مصاريف كليتي انا انزل اشتغل
عائشة : انتي عارفة رأي ف الموضوع دا كويس ياوعد مافيش شغل قبل ماتخلصي دراسة ... وبلاش كلام كتييير ودي الاكل ع السفرة معايا يلا
وعد بتنهيدة : حاضر ياخالتو
--
فرح : جود مورنينج يامامي
نهلة : جود مورنينج يا حبيبتي .. سيف صحا ؟
فرح : معرفش.. بس تقريبا لا
نهلة : كان سهران لوش الصبح طبعا مع الجرابيع صحابه زي كل يوم
فرح بتأكل ولا ع بالها كلام امها
نهلة بعصبية : انتي يابنت انا مش بكلمك
فرح : عادي يامامي مايسهر هو وراه حاجة
نهلة بغيظ : لا مش عادي المفروض ينزل الشغل مع ابوه يشوف حالنا ومالنا ويجي يقولي بدل ماابوكي مبيحكليش اي حاجة خالص
فرح : مامي انا خارجة مع اصحابي ... يلا سلاامم
نهلة بعصبية : انا هتتشلل من البيت دا مافيهوش حد حاسس بياااا
--
*موبايل سيف بيرن*
سيف بنوم : ايوة .. ايه ياخالد
خالد :ايه ياعم انت فينك شكلك لسه مصحتش
سيف : لا لسه .. هي الساعة كام
خالد : الساعة 8 ياعم .. انجز بقا كدا علشان عاوزين ننزل .. اما انا محضرلك حتة سهرة
سيف : لا مش قادر اخرج انهاردة
خالد : طيب انا هجيب احمد ونجيلك
سيف : ماشي مستنيكم .. سلام
*قفل و كمل نومه تاني*
--
*وعد بتفتح الباب*
خالد : ايه القمر داا
وعد : نعم!!!
احمد زغدوا : هو سيف مصحاش
وعد : مش عارفة اتفضلوا وهشوفوا
خالد : ماشي ياقمر
-وعد بصتله بقرف ومشيت
احمد : ماتهدا ياعم مالكش دعوة بحد هنا .. عيب دانت ف بيت صاحبك
خالد : ماهو لو صاحبي بجد مكنش خبي عليا القمر دا
احمد : طب اسكت ونبي اسكت
--
نهلة :مين اللي جه
وعد : دول صحاب سيف هطلع اصحيه ينزلهم
نهلة : لا خليكي انا هشوفوا
وعد : حاضر
--
*ف اوضة سيف*
نهلة : يعني انت جايب صحابك وحضرتك نايم
سيف : هما جم من امتا
نهلة: لسه جايين ومستنينك تحت ممكن تصحا بقا
سيف : حاضر ياست الكل من غير متتعصبي انا صحيت اهو
نهلة: وانتو يفرق معاكم عصبيتي اذا كنت انت ولا ابوك ولا اختك
سيف بصوت واطي : اااه المرشح هيبدأ
نهلة :بتقول حاجةة !!
سيف : بقول ان مينفعش القمر دا يتعصب وباسها من خدها
نهلة: ماشي يابكاش خلص وانزل علشان صحابك
سيف : حاضر ياروحي
--
*سيف نزل لصحابه*
خالد : انا مش قايلك ياعم ان احنا جايين مصحتش ليه
سيف : مش عارف القيها منك ولا من امي ياعم سلم وانت ساكت
خالد : ماشي ياعم .. كنت عاوز اسألك ع حاجة كدا شوفتها و...
احمد : خالد !!!
سيف : ف ايه مالكم
خالد : لا خلاص يلا نلعب بلاستيشن
--
*في المطبخ *
وعد : بتعملي ايه ياجميلل
عائشة : خضتينيي .. بعمل عصير لسيف واصحابه
وعد ببرطمة : قال صحاب قال دا انسان مش محترم
عائشة : بتقولي حاجة ياوعد
وعد: لا ياخالتو مبقولش
عائشة : طيب انا هاخدلهم العصير و... *عائشة داخت ووعد سندتها *
وعد : خالتو ماللك !! تعالي تعالي استريحي .. وجبتلها كوباية ماية
وعد : خدي ياخالتو اشربي .. انتي كويسة
عائشة: متقلقيش يابنتي شوية دوخة بس وهيروحو لحالهم
وعد : لا ياخالتو .. خليكي انا هودي العصير متتحركيش عقبال مااجيلك
--
-طلعت بالعصير بتقدملهم وخالد مشالش عينه من عليها
عطيت العصير لاحمد
وعد : اتفضل
احمد : شكرا.
بتدي العصير لسيف وعلي وشها ابتسامة
وعد : اتفضل ياسيف
سيف : مش شايفاني بلعب حطي وانتي ساكتة
اتضايقت وبصيت لخالد لقيته متنحلها سابت العصير قدامه وبصيتله بقرف ومشيت
خالد :فيه ايه ياعم انت مابراحة ع الجنس الاخر
سيف : خليك ف حالك ونبي وركز ف اللعب
خالد : لعب ايه بس .... انا مركز ف حاجة تانية خالص
--
*ف المطبخ*
عائشة : طلعتي العصير ياوعد
وعد : اه ياخالتو .. انتي بقيتي كويسة
عائشة : اه بقيت كويسة ياحبيبتي... انتي فيكي حاجة !!
وعد : لا ياخالتو .. انا هطلع اشم هوا بس ف الجنينة
عائشة : ماشي ياحبيبتي
---
*وعد بتكلم نفسها*
- هتفضلي تحبيه حد مبيحبكيش لحد امتي !!
=اكيد هيحس بيا ف مرة ويحبني اكيد انا اتحب انا مش وحشة
- انتي مش وحشة .. وكل الناس تتمناكي بس هو مش بيحبك شيلي من دماغك
= مش عارفة اشيله حاولت كتير مش عارفة.. انا بحبه هو وبس رغم عيوبه رغم معاملته ليا انا بحبه .. يارب متعلقش قلبي بحد مش ليا يارب
*ورجعت الفيلا تاني *
---
خالد : مقولتلناش بقا ياعم ... مين القمر اللي عندكم دي
سيف باستغراب : قمرر !!
خالد: قمر شوية عليها والله
احمد : ماتهدأ ياعم خالد
سيف : قول حاجةونبي دا شكله شارب
خالد : لا دانا فايق اوي .. ومركز انك احرجت البت قدامنا
احمد : خالد عنده حق ياسيف .. مكنش المفروض تكلمها كدا ع الاقل مش قدامنا هي اتحرجت اكيد .. دا غير ان حاسس انها بتحبك
سيف : انت هتهرتل ولا ايه مين دي اللي تحبني .. دي تبقا اتجننت رسمي لو فكرت كدا هي هتنسا نفسها .. دي مجرد خدامة عندنا ... خدامة وبس ومش هتكون غير كدا

* وعد واقفة مصدومة من الكلام اللي سمعتوا*
--
*موبايل نهلة بيرن*
نهلةة: ايوة ياكمال انت فين و...
كمال : اسمعيني كويس فاللي هقولو ومش عاوز حد يعرف حاجة ولا حتي الولاد
نهلة : خير ياكمال قلقتني
--
وعد واقفة مصدومة والدموع كانت هتنزل من عينها ... مسمحتش لنفسها تعيط واستجمعت نفسها وراحت لهم
وعد: انت اززاي تتكلم عني بالطريقة دي !!!!!
سيف : انتي بتتصنتي علينا .. حلو علشان لو ف حاجة من نحيتك تنسيها
وعد : ايه الثقة اللي بتتكلم بيها دي مين قالك اني بحبك اصلا ولا ممكن ابص لشخص متكبر زيك وانت ازاي تقول عليا خدامة اصلا
سيف : اه خدامة اللي تطلع تصحيني تبقا خدامة اللي تجبلي العصير لحد عندي تبقا خدامة
وعد بغيظ مسكت العصير وحدفتوا ف وشه
وعد : واللي تقلبوا عليك تبقا ايه !!
سيف : انتي اتجننتي ... وشدها من ايدها جامد
احمد : اهدا ياسيف وسيبها
سيف زقه وشد وعد وهي بتحاول تبعده عنها
سيف : اخرررسي واطلعي برا
وعد : سيبني يامتخلف
--
كمال : سامحيني يانهلة ومتخليش الولاد يزعلوا مني
*نهلة ف عالم تاني وفاقت ع صوت زعيق نزلت تجري*
كمال : نهلة .. نهلة !
المحامي : ف حاجة ياكمال بيه
كمال : لا مافيش .. يلا بينا
--
نهلة نازلة ع السلم وعائشة جاية تجري من المطبخ لقيت سيف ماسك ايد وعد بيطردها طلعت تجري شدت وعد منه
عائشة : انت بتعمل ايه سيبها
سيف : دادة عائشة انتي علي عيني وعلي رأسي انما دي مش هتقعد ف البيت ثانية واحدة
عائشة : انتي عملتي ايه ياوعد انطقي
سيف : عملت ايه ؟ قولي معملتش ايه الهانم بتتصنت عليا وبتبجح وقلبت العصير عليا
عائشة : انتي عملتي كدا ياوعد !!
وعد : هو اللي قال.....
عائشة بعصبية : ردي ع قد السؤال انتي اللي قلبتي عليه العصيرر
وعد : ااه علشان ..
*عائشة ضربتها بالقلم*
وعد بعياط : انتي بتضربيني ياخالتو علشان واحد مغرور زي دااا
عائشة : مسمعش صوتك قدامي نلم حاجتنا ونمشي
وعد بصت لسيف باستحقار وهو علي وشه الفرحة والانتصار
* نهلة وقفة تتفرج ومافيش اي رد فعل منها *
--
*وعد وعائشة رجعوا اسكندرية ووعد ساكتة وعائشة زعلانة علشان ضربيتها*
---
*في فيلا كمال الهلالي*
الباب بيخبط ..سيف بيفتح
الظابط : دي فيلا كمال الهلالي
سيف : ايوة
الظابط : انت كمال الهلالي
سيف : لا انا سيف الدين الهلالي ابن كمال الهلالي
الظابط : ادخلوا فتشوا الفيلا
فرح نازلة تجري ع السلم : في ايه ياسيف
سيف : اهدي يافرح ... حضرتك يافتشوا الفيلا ليه هو في ايه
الظابط : معانا امر بالقبض ع كمال الهلالي
سيف وفرح : بااابااااا !!!!!
---
ياتري كمال الهلالي عمل ايه .. وايه المكالمة اللي كانت بينه وبين نهلة مراته ... هنعرف ف الاجزاء الجاية .. اتمني تكون عجبتكم .. متنسوش تقولوا رايكم ♡
  • قراءة الحلقة الثانية من رواية ابنتي ولكن بقلم ياسمين علي أضغط هنا
اقرأ وحمل أيضًا
الاسمبريد إلكترونيرسالة