U3F1ZWV6ZTI4MDMwMzk5ODA3X0FjdGl2YXRpb24zMTc1NDU3NTcxOTM=

رواية ابنتي ولكن بقلم ياسمين علي - الحلقة الخامسة (5)

الحلقة الخامسة من رواية ابنتي ولكن بقلم ياسمين علي، نتمنى لكم قراءة ممتعة على مدونة كلام كتب للقراءة والتحميل (PDF). 
  • لدخول إلى فهرس قراءة الرواية كاملة أضغط هنا
رواية ابنتي ولكن بقلم ياسمين علي  

  الحلقة الخامسة (5) - رواية ابنتي ولكن

نسترجع مع بعض اخر احداث الجزء اللي فات ..

دخلت وعد الاوضة تغيير هدومها .. بتدور ع الموبايل.. ملقتهوش ..سمعت الباب بيفتح .. طلعت تجري
وعد : سيف كويس انك جي... *اتخضيت ورجعت ل ورا*
انت دخلت هنا ازاي ..!!!!
فاروق : عائشة ادتني المفتاح .. بعتتني اجيبلها حاجات من هنا لزوم السهرة
وعد بخوف : انت كداب استحالةخالتو تديك المفتاح
فاروق : تؤ تؤ عيب ياوعد تكدبيني .. اومال اللي ف ايدي دا ايه .. مالك ياوعد انتي بتبعدي ليه .. انتي خايفة مني ... وبيقرب عليها .. متخافيش انا مش هاذيكي .. انا بحبك
وعد : اييه !!

_________________________________

○علي البحر○

نهلة : حلوة الفكرة دي ... اول مرة تقولي حاجة عدلة ياعائشة
فرح : ماما !

"عائشة باين عليها القلق"

فرح : مالك يادادة
عائشة : قلبي مقبوض ... قلقانة ع وعد
نرمين : ليه البيت هيأكلها ... زمانها قعدة بتأكل ولا هممها
نهلة : نرمين عندها حق
عائشة : لا انا مش مرتاحة .. فرح اتصليلي ب وعد
فرح : حاضر يادادة

"فرح بتتصل ب وعد"

سيف سايق العربية : ايه دا وعد نسيت موبايلها
سيف : ايوة يافرح
وعد : سيف هي وعد معاك
سيف : لا انا لسه موصلها .. بس هي نسيت الموبايل ف العربية
فرح : طب هي كويسة يعني .. اصل دادة عائشة قلقانة عليها
سيف : ايوة يابنتي كويسة ... انا هرجع اديها الموبايل وهخليها تطمن دادة عائشة بنفسها

فرح : ماشي ياسيف .. متنساش
سيف : لا انا اهو بلف وراجعلها .. انا قريب من البيت اصلا
فرح : ماشي يلا سلام
سيف : سلام

فرح : سيف رايحلها اهو يادادة وهيطمنك
عائشة: ربنا يستر
________________________________

وعد : انت بتقول ايه .. انت اتجننت ..بتحب مين .. ومراتك وبنتك
فاروق : انا اتجننت بحبي ليكي .. وعمال يقربلها وهي بترجع بضهرها وخايفة

وعد دخلت المطبخ وخدت سكينة حطيتها علي رقبتها
وعد بعصبية : لو مخرجتش من هنا هموووت نفسسي
فاروق : اهدي طيب اهدي

__________________________________

*سيف وصل داخلة العمارة*
صباح : يااستاذ سيف .. يااستاذ سيف
سيف : نعم .. انتي مين
صباح : انا مرات البواب ...انت متعرفنيش ولا ايه
سيف : ايوا عاوزة ايه
صباح : كنت عاوزة اقولك ... مبروك انا سمعت انك اتجوزت الست وعد
سيف : الله يبارك فيكي .. جه يمشي
صباح: استنا بس يااستاذ سيف
سيف : لو سمحتي انا مستعجل وعندي شغل
صباح : دا هما كلمتين مش هأخرك

________________________________

وعد بعصبية : بقولك ااطلللع بررا .. اطللع برراااااا
فاروق : ماشي خلاص همشي بس اوعديني انك مش هتقولي لحد
وعد : ماشي مش هقول لحد .. اخرج بقاا ارجوك
فاروق : اهو همشي .. خرج ..سمعت صوت الباب بيتقفل
رميت السكينة وقعدت ع الارض تعيط... دخل فاروق مسكها من شعرها وجرها من المطبخ ...
وعد : ابعد عننييي ياحقييييررر
فاروق : مسمعششش نفسكك .. انتي فااهمةة.. انا صبرت عليكي كتتتيرر وجت الفرصة مش هضيعها

____________________________________

صباح : كنت عاوزة اقولك .. ان الست وعد دي مربينها ع ايديينا .. ادب ايه واخلاق ايه .. نسمة كدا نسمة .. ومش هتلقي زيها ابدا
سيف : اناعارف كل دا
صباح : في ايه يااستاذ سيف انت مستعجل ليه كدا .. وبعدين هو فين الباقي ... شوية الاستاذ فاروق يجي لوحده .. وشوية حضرتك .. هو ايه الحكاية
سيف : نعم !! هو فاروق هناا
صباح : ايوة دا لسه طالع قدامي من يجي 10 دقايق

*سيف طلع يجري ع فوق*

صباح : يااستاذ سييف .. يوة هو ماله دا
*سيف طالع يجري علي السلم*
عمر : سيف ازايك .. سيف .. هو في ايه !

____________________________

فاروق حدف وعد ع السرير وبيقلع الجاكيت
وعد : انت هتعمل ايييه
فاروق : اللي كان لازم يحصل من زماان
وعد جت تجري .. مسكها من شعرها
وعد : ابعد عني يا ساافل
فاروق : انا هوريكي انا مين
سيف دخل الشقة
وعد بصريخ : الحقووني
فاروق حاول يكتم نفسها.. عضت ايده وزقته وجريت
سيف : وعدد
وعد : سيفف الحقنني

فاروق شاف سيف رجع بضهره : انت فاهم غلط .. انا كنت ..
سيف ضربه بالدماغ .. وهجم عليه وفضل يضرب ف وشه ... فاروق زقه وهجم عليه وبيخنقوا.. ووعد بتصرخ
.. جريت جابت فازة وكسرتها ع دماغ فاروق علشان يبعد عن سيف .. سيف زق فاروق ونزل ضرب فيه تاني
وعد : كفااية ياسيف هيموت ف ايدك
سيف بعصبية : يغور ف ستييين دااهية دا كلب
وعد : سيبوا علشان خاطري .. ميستاهلش تودي نفسك ف داهية علشانه

"سيف سابوا وقام يشوف وعد "
سيف : انتي كويسة .. عملك حاجة
وعد : انا كويسة
فاروق قام جري نزل وهو غرقان ف دمه

"سيف جه يمسكوا وعد مسكتوا "
وعد بخوف وبتترعش : سيبوا خلاص
سيف : اهدي طيب .. متخافيش انا جنبك

________________________

صباح : ايه دا ياسااتر ياررب ... مالك يااستااذ فااروق .. يلاهوي يلاهووي ايه الدم دا
عبده : مالك ياولية صوتك عالي ليه
صباح : الاستاذ فاروق جوز الست نرمين .. نازل من فوق غرقان ف دمه
عبده : بتقولي ايه ياولية انتي اتخبلتي ف عقلك
صباح : لا ياخويا لا دانا شايفة بعيني دوولل وهو نازل يجري زي مايكون سارق سريقة
عبده : طب ادخلي جوا انتي
صباح : ادخل ايه .. دانا لازمن اطلع اشوف ايه العبارة بالظبط
عبده : بقولك ادخلي جواا .. انا مش عاوز مشاكل
صباح : ياعبده استنا بس
عبده : انا مش هعرف احكم عليكي ولا ايه .. ادخلي ياولية
صباح : خلاص متزقش هدخل اهو

______________________________

عائشة : سيف اتأخر ليه كدا .. انا قلقت اكتر
نرمين : ياخالتي انتي مبتعرفيش تستمتعي بالجو ليه .. انسي وعد بقا
عائشة : انا هقوم اروح
فرح : استني بس يادادة هكلمهم انا

*موبايل فرح رن*
فرح: طب انا هروح اكلمهم في حتة فيها شبكة .. ومشيت
فرح : الو .. ايوة ياعموري وحشتني
عمر : وانتي كمان والله .. بقولك هو اخوكي ماله
فرح بقلق : ماله سيف
عمر : معرفش انا بسألك .. اصلي شوفتوا ع السلم وكلمتو مردش
فرح : انت هتقلقني ليه .. هو كان رايح يشوف وعد .. طب بقولك ياعمر ونبي ممكن تشوفهم
عمر : والله ياحبيبتي انا ف الشغل .. اتصلك بماما تشوفهم
فرح : لا خلاص بلاش تقلقها .. انا هكلموا
عمر : امممم .. ماشي .. انتي فين الفرح خلص
فرح : اه خلص .. وهنسهر ع البحر
عمر : ايوة ياعم .. اسهري انتي ع البحر وانا اسهر ف الشغل
فرح : ربنا معاك ياحبيبي
عمر : يارب .. بقولك هو الفرح كان حلو
فرح : اه كان جميل اويي
عمر : عقبالنا
فرح بفرحة : ياربب
عمر : يلا انا هسيبك تطمني ع سيف ... واروح اشوف شغلي .. خليبالك من نفسك
فرح : حاضر .. باي
عمر : باي

فرح رجعتلهم وهي مبسوطة وسرحانة
نهلة : كنتي بترغي مع مين كل دا
فرح بخضة : كنت بكلم واحدة صاحبتي
عائشة : اتصلتي بسيف يابنتي
فرح : هتصل بيهم اهو

_____________________________

سيف : اهدي واحكيلي ايه اللي حصل بالظبط.. دخل ازاي دا هنا

وعد بتحكي وهي منهارة : بعد ماسبتني .. طلعت لقيت الباب اتفتح .. فكرتك انت رجعت ... طلعت لقيته ف وشي
سيف : وبعدين
وعد : فضل يقول ان خالتو بعتتوا وكلام كله كدب .. وفضل يقرب وقالي ان هو
سيف : قالك ايه !!!
وعد : قال بيحبني ومبيحبش نرمين
سيف بعصبية : الناقص انا مكنتش مرتاحله من الاول

وعد انهارت من العياط : انا كنت هموت نفسييي

سيف حضنها : اهدي خلاص مش هيقدر يقربلك تاني ..

*موبايله رن*
سيف : دي فرح .. دادة عائشة كانت عاوزة تطمن عليكي
وعد : هي عرفت !!
سيف : لا .. بس حسيت ...ايوة يافرح .. انا عند وعد هي كويسة
فرح : بجد .. اهو ياستي اطمني كويسة
عائشة : فينها هاتي اكلمها
فرح : سيف طب هات وعد .. دادة عائشة عاوزة تكلمها
سيف بص لوعد " دادة عائشة عاوزة تكلم وعد " .. وعد هزت رأسها انها مش عاوزة تكلم

سيف : مش هينفع .. اصل وعد ف الحمام دلوقتي لما تطلع تكلمها
فرح : خلاص ماشي .. سلام
.. اهو ياستي اطمني بقا بخير وسيف كمان معاها
عائشة : ربنا يستر
نرمين : فاروق كلمني وقالي انه جاله شغل ورجع القاهرة.. هبقا اروح لوحدي بقا
عائشة : طب ماتخليكي يومين يابنتي
نرمين : لا انا هرجع اشوف بيتي .. وبعدين فاروق ميقدرش يستغني عني مش هينفع اسيبوا
عائشة : ع راحتك يابنتي

___________________________

سيف : انتي مرضتيش تكلمي دادة عائشة ليه
وعد : مش عاوزها تحس بحاجة
سيف : ليه هو انتي مش هتقوليلهم اللي حصل
وعد : لا طبعا .. مش عاوزة مشاكل
سيف : نعمم !! انا مش موافقك مشاكل ايه .. لازم يعرفوا ان فاروق دا زبالةة
وعد : نرمين بتحبه مش عاوزة اكسرها وابينلها حقيقة جوزها .. ومش عاوزة اتسبب ف خراب بيت
سيف : تفكيرك غلط ياوعد .. دا خاين ولو بتحبي اختك بجد .. لازم تعرفيها
وعد : مش هتصدقني
سيف : هتصدقك .. لو مقولتيش انا هقول
وعد : خلاص انا هقول.. بس انا خايفة
سيف : متخافيش هكون معاكي .. بس لازم تحكيلهم
وعد : حاضر
سيف : يلا نامي انتي شكلك تعبانة
وعد : بس انت مأكلتش .. هقوم احطلك تأكل
سيف : لا انا مش جعان .. استريحي انتي .. لما اجوع هحطلي اكل .. ولا انتي لسه شايفني مكسح
وعد : لا انت مش مكسح .. انت مضروب بس

سيف : حتي وانتي ف حالتك دي لسانك طويل .. تصدقي انا غلطان كنت سيبتوا يقتلك
*وعد عيطت*
سيف : اهدي والله بهزار خلاص .. انتي مابتصدقي تعيطي .. انا مكنتش هسمحلوا يقربلك لا هو ولا غيره.. يلا نامي .. وانا هطلع اشوف الخرابة اللي برا دي اظبطها
وعد : سيف
سيف: نعم
وعد حضنته : شكرا ع كل حاجة عملتها .. وانك انقذتني
سيف ابتسم : مافيش شكر دا كان لازم يحصل .. يلا تصبحي ع خير .. قفل النور وخرج

_______________________________

*في لندن*

كمال : ايوة ياسعيد
المحامي : ايوة يا كمال بيه .. عملت ايه
كمال : اقنعت المستثمرين والمشروع هيبدأ يقوم وكل حاجة هترجع زي ماكانت

المحامي : الف مبروك ياكمال بيه الف مبروك
كمال : الله يبارك فيك ياسعيد .. انت السبب ف اللي وصلتله دا .. مش عارف اشكرك ازاي
المحامي : متقولش كدا ياكمال بيه .. دا شغلي
كمال : طب انا كدا اقدر ارجع مصر
المحامي : لا طبعا دلوقتي مينفعش القضية لسه شغالة .. المشروع يبدأ والبنك يعلم ب كدا .. متقلقش ياكمال بيه اناهخلص كل حاجةهنا وهكلمك تيجي
كمال : ماشي سلام

____________________________

*سيف واقف ف البلكونة بيفكر ف اللي حصل*

- انا ليه خوفت عليها اوي كدا ..مش عارف لو كان حصلها حاجة مكنتش هسامح نفسي.. انا ايه الي بيحصلي دا .. هو انا حبيتها ولا ايه .. وفيها ايه لما احبها يعني .. مافيهاش عيب .. علشان هي مش من مستوايا .. مستوي ايه بقا انت هتضحك ع نفسك.. دانا اللي مبقتش من مستواها .. بصلها وهي نايمة

*وعد قامت مفجوعة*
جري عليها .. مالك !
وعد بخوف : انا كويسة .. كويسة
سيف : شوفتي كابوس ولا ايه
وعد : كابوس اه .. انت منمتش ولا ايه
سيف : لا مجاليش نوم
وعد : هما لسه مجوش
سيف : لا لسه .. قوليلي بقا حلمتي بايه
وعد : حلمت ...

__________________________

عائشة : مش يلا بينا بقا
نهلة : هي الساعة بقيت كام
عائشة : الساعة 7
نهلة: طب يلا بينا

__________________________

سيف : مالك
وعد : اصل انا عمري ماحكيته لحد
سيف بضحك : ليه هو بيجيلك كتير ولا ايه
وعد بزعل : ممكن متضحكش علشان الموضوع بيضايقني

سيف : مالك بهزار .. احكي طيب
وعد : انا مش عارفة مالي .. هو بيجيلي كتير فعلا .. هتصدقني لو قولتلك اني بحلم نفس الحلم من وانا عندي 10 سنين

سيف : كل يوم بتحلمي نفس الحلم !
وعد : لا مش كل يوم .. كل فترة احلم نفس الحلم بنفس التفاصيل
سيف : طب قولي ايه هو
وعد بتحكي وهي متأثرة : بشوف نفسي وانا صغيرة ف مكان ضلمة .. وراجل بيقرب مني وعاوز يمسكني .. وبتيجي واحدة تاخدني وتبعدني عنه وتقولي متخافيش مش هيقربلك ... وكل لما باجي اعرف هي مين اصحا من الحلم
سيف : طب اهدي انتي عارفة مين دول
وعد : بشوف وش الراجل بوضوح .. بس انا معرفش مين دا
سيف : طب والست !
وعد : مش بقدر اشوف ملامحها كويس .. او ببقا ناسية ملامحة مش عارفة انا مش بفتكرها

سيف : طيب ممكن تكوني انتي متأثرة بالحلم ف بتحلمي بيه كتير .. شيلي من دماغك مش هيجيلك تاني اكيد
وعد : حاضر
*الجرس رن*
سيف : شكلهم جم .. هقوم افتح
وعد : ماشي

{ وعد حسيت انها مستفدتش حاجة من رد سيف لما حكيتلوا الكابوس اللي بيطاردها من صغرها لأنهامش هتقدر تشيلوا من دماغها .. بس ع الاقل حسيت انها ارتاحت لما حكيت لحد }

______________________________

عائشة : وعد فين
وعد : انا اهو ياخالتو وحشتيني .. وحضنتها
عائشة : انتي كويسة !
وعد : اه .. اه انا كويسة
عائشة : قولي الحقيقة ياوعد... انتي وشك مخطوف .. سيف انت عملتلها حاجة
وعد : لا مش سيف
عائشة : اومال مين !!

____________________________
*ف الكافية*

خالد : مالك سرحان ف ايه
احمد : سيف وحشني والله .. وزعلان اني مبسألش عليه
خالد : يادي سيف ... انت كل لما تيجي تقولي سيف .. سيف .. ياعم دا تلقيه عايش حياته هناك .. ومش سأل فينا .. دا اذا منسناش اصلا

احمد : هو انت بتكرهه ليه كدا
خالد : انا ... هكرهه ليه يعني .. المهم انا مجهزلك سهرة حلوة .. وجايب مزز وهنولعها
احمد : انت عارف اني ماليش ف القرف دا
خالد : قرف .. حد يرفص النعمة .. انت فقري شبه سيف .. سديت نفسي .. سلام
احمد : احسن بردك ... سلام

______________________________

وعد : هو فاروق

نرمين: ماله فاروق .. حصله حاجة .. انطقي
وعد: اتهجم عليا
عائشة: اييه !!
نرمين : انتي بتقولي اييه فاروق ف القاهرة
سيف : هو لحق ياسافر
وعد : قبل مايسافر جه هنا وانا موجودة .. وحاول يتهجم عليا
عائشة : انا كنت حاسة انك فيكي حاجة .. قلبي مكنش مرتاح وقولتلهم .. طمنيني يابنتي انتي حصلك حاجة ... حسبي الله ونعم الوكيل فيك يافارووق

وعد : لا ياخالتو انا كويسة .. وسيف جه ف الوقت المناسب
نرمين بغيظ : والمفرروض بقا انا اصدق التمثيلية دي
وعد : تمثيلية ايه ... انتي قصدك ايه
نرمين : اقصد انك كدابة وبتتبلي ع فاروق
عائشة : عييب يانرمين اللي بتقولي لاختك دا
وعد : انا مبكدبش .. وهكدب ليه اصلا
نرمين بغيظ : اقولك ياحبيبتي تكدبي ليه .. انتي تلقي الغيرة كلتك من جوا .. لما بتشوفي فاروق بيحبني وبيدلعني .. وانتي عاملة شبه البيت الوقف محدش معبرك .. ف تعملي التمثيلية الخايبة بتاعتك دي ...علشان توقعي بيني وبين جوزي بس انا مش هسمحلك
عائشة : وتغيير ليه منك مااجوزها موجود
نرمين بضحك : جوزها ! انتو فاكرني نايمة ع وداني ومعرفش انه متجوزها جبر خاطر كدا علشان قعدتوا ف البيت بس لا هو بيحبها ولا طايق يبص ف خلقتها

وعد دمعت وبصيت لسيف : قولتلك مش هتصدق .. وجريت ع اوضتها

سيف بعصبية : انتي مين قالك اني متجوزها اجبار .. انتي مالك باللي بيني وبينها اصلا
نرمين : لما هي تجيب سيرة جوزي انا كمان اجيب سيرتك
سيف بعصبية : جابت سيرة جوزك علشان جوزك مش راجل .. انا ساكت من الصبح وبقول انتو اخوات متدخلش .. بس انتي متتسميش اخت اصلا ... انتي واحدة مش محترمة ومتفرقيش عن جوزك حاجة .. لما تدفعي عن شخص زبالة وتوقفي قصاد اختك تبقي مش محترمة .. واه وعد مبتكدبش وجوزك اتهجم عليها وكان هيموت ف ايدي لولا هي منعتني ... واللي بيني وبين وعد لا انتي ولا غيرك ليه فيه .. انا مش مجبر ع وعد انا بحبها .. وبلغي جوزك انه لو راجل ميظهرش قصدي ف اي حتة ... دا لو كان راجل اصلا

*ومشي داخل يشوف وعد*
ونرمين مصدومة من الكلام وخدت حاجتها وبنتها ومشيت ... وفرح ونهلة وعائشة واقفين مصدومين من رد فعل سيف الغير متوقع ودفاعه واعترافه بحب وعد ... بس للاسف وعد مسمعتش ولا حاجة

____________________

سيف : وعد انتي كويسة
وعد : اه
سيف: متزعليش .. انا السبب .. اللي خليتك تسمعي الكلام دا مكنتش اعرف انها كدا
وعد : مش زعلانة.. هي مقالتش حاجة غلط دي الحقيقة
سيف : لا مش الحقيقة ياوعد .. انا مش مجبر ع جوازي منك
وعد : لا انت مجبر ياسيف
سيف : الكلام دا كان ف الاول بس دلوقتي
وعد : دلوقتي ايه اللي اتغيير
سيف : انا .. انا حبيتك

__________________________

فرح : عمر عامل ايه
عمر : انا كويس انتي مالك وشك مقلوب ليه
فرح : كان عندك حق ياعمر.. سيف كان فيه حاجة امبارح
عمر : ليه ايه حصل
فرح : فاروق اتهجم ع وعد وسيف لحقها
عمر : ايه ! ابن ال .. انا مبرتحلهوش الراجل دا .. نرمين عملت ايه
فرح : كذبت فرح وقالتلها كلام يوجع اوي .. بس سيف مسكتلهاش
عمر : اكيد طبعا جوزها وبيدافع عن مراته
فرح : اه ...مراته
{ عمر ميعرفش ان جواز سيف ووعد ع الورق بس }
فرح : عمر كنت عاوزة اقولك ع حاجة
عمر : عاوزة ايه يا حبيبتي قولي
*موبايل عمر رن*
عمر : طب ثواني ياحبيبتي .. ايوة .. اه انا وصلت .. اه معايا .. طيب انا جايلك
فرح : في ايه ياعمر
عمر : واحد ف الشغل نسي المفتاح بتاعه .. هروح اديلوا اللي معايا واجي
فرح : ماشي ياعمر

_________________________________

وعد : انت بتقول كدا علشان مزعلش من كلام نرمين
سيف : وعد تتجوزيني

نهلة دخلت عليهم : سيف انا عاوزك
سيف : ماشي ياماما انا جاي وراكي... وعد فكري .. هستنا ردك

_____________________

نهلة: ممكن افهم ايه اللي سمعتوا
سيف بقلق : سمعتي ايه
نهلة : انت هتستعبط .. الكلام اللي قولتو لنرمين .. انت بتحب وعد
سيف : اااااه
نهلة : نعمم !!
سيف : لا اقصد اه ان قصدك ع الموضوع دا .. لا دا بس كان رد فعل ع كلام نرمين .. انتي شوفتي هي جرحت وعد ازاي
نهلة : من امتي الحنية دي مانت مكنتش بتطيقها
سيف : يعني بردك كان لازم اوقف نرمين عند حدها .. وبعدين هي جابت سيرتي كان لازم ارد
نهلة : يعني انت مبتحبش وعد !
سيف بيفكر : لا
نهلة : ايوة كدا ريحتني

{سيف كذب ع امه علشان عارف رد فعلها لما تعرف انه عاوز يتجوز وعد بجد ممكن تموت فيها }

فرح جت..
نهلة: كنتي فين
فرح : كنت بجيب حاجات ...
نهلة : بتجيبي حاجات ولا مع الجربوع بتاعك
فرح : ماما لو سمحتي متقوليش عليه كدا
نهلة : ياريتك بتدافعي عني زي مابتدافعي عنه كدا
فرح : لا ياماما اطمني انتي مش محتاجة حد يدافع عنك

____________________________

سيف : انتي بتعملي ايه
وعد : بلم الهدوم .. نرمين مشيت .. هرجع اوضتي
سيف: امممم ... انتي فكرتي ف اللي قولتهولك
وعد : ايه هو
سيف : والله
وعد : !!
سيف: ماشي ياوعد هقولك تاني .. انا عاوز اتجوزك
وعد : سيف لو سمحت لو بتقول كدا علشان اللي حصل .. ف متقلقش انا مش زعلانة
سيف: لا ياوعد انا بقالي فترة بفكر .. ممكن تديني فرصة اثبتلك حبي

وعد : انا مش عاوزة اتوجع يا سيف .. لو سمحت خلينا كدا احسن
سيف: متخافيش .. وبعدين هو مش انتي بتحبيني !
وعد: ....
سيف : ايه
وعد : بحبك ياسيف ومن زماان اوي كمان ..
سيف ابتسم : مانا عارف
وعد : عارف ! وكنت بتعاملني وحش
سيف : كنت ببقا قاصد بصراحة .. علشان مكنتش بفكر فيكي بصراحة .. ها بقا ردي هتديني فرصة
وعد : ماشي ياسيف انا موافقة
*سيف فرح*
وعد : ممكن بقا توسع علشان اروح اودي الهدوم .. لسه هحطهم ف الدلاب التاني وليلة كبيرة وسع يلا

سيف : نعم .. اومال احنا بنرغي ف ايه من الصبح ..
وعد : في ايه ياسيف .. مانا وافقت .. عاوز ايه تاني
سيف : تفضلي هنا
وعد اتكسفت: اممم.. ماشي ..
سيف غمزلها : طب ايه
وعد : ايه ..
سيف غمزلها تاني : ايه انتي
وعد : فيي ايه دا مرض دا مالك
سيف : انتي هتستهبلي
وعد : في ايه ياسيف بجد
سيف : امممم .. انا شكلي اتسرعت ف قرار احب واحدة غبية
وعد : يوة ماتحترم نفسك بقا
سيف : مانتي اللي مش بتفهمي
وعد : عاوز ايه ياسيف انجز
سيف : انجز ! ماشي ياستي عاوزك
وعد : عاوزني ازاي مانا جنبك اهو
سيف : لا دانتي برميل غباء متنقل وهتتعبيني .. راح شالها
وعد : انت بتعمل ايه .. نزلني بدل ماصوت واجبهملك كلهم هنا
سيف : صوتي كدا وريني ... ونزلها ع السرير
وعد : طب استنا طب هفهمك
سيف : القرار صدر وجاري التنفيذ
وعد : ياسييف طب
سيف : ششششش خلاص .. مافيش كلام
وعد : انا بحبك ياسيف
سيف : وانا كمان بحبك

{استوبب لحد هنا نروح مكان تاني بقا }

____________________________

*نهلة قعدة ف اوضتها موبايلها رن*
كمال : الو يانهلة .. عاملة ايه
نهلة : الحمدالله انا كويسة .. انت ايه اخبارك
كمال : قريب هرجع
نهلة : بجد ياكمال .. طب والفلوس والفيلا والشركات
كمال : كل حاجة هترجع وهنبقا احسن من الاول كمان
نهلة : طب امتي راجع
كمال : قريب.. خليبالك ع العيال بس انتي
نهلة : حاضر ياكمال .. سلام

نهلة بتفكر مع نفسها : لا زم قبل ماكمال يرجع اصلح كل حاجة ... ياتري ايه الي نهلة عاوزة تصلحه ؟

_____________________________

سيف صحي لقي وعد لسه نايمة .. باسها من راسها .. وفضل يحسس ع شعرها .. وعد صحيت

وعد : صباح الخير
سيف : صباح النور .. قلقتك
وعد : لا انا اللي صحيت .. انت مش رايح الشغل
سيف : لا هأجز انهاردة .. قعدلك
وعد ضحكت: طب يلا نقوم نفطر
سيف : ماشي .. اه صح وعد متقوليش لحد ع اللي حصل
وعد : ليه
سيف : علشان مش وقته يعني موضوع فاروق واالي حصل مأثر ع البيت .. ع الاقل دلوقتي منقولهمش حاجة
وعد : ماشي .. مش هقول لحد خالص
سيف : ماشي ياقلبي .. يلا نفطر

____________________________

وعد ف اوضة فرح

وعد : فرح ... فرحح
فرح : في ايه يابنتي مالك.. شكلك مبسوطة
وعد : اه اوي اوي
فرح : باين عليكي .. ها بقا فرحيني معاكي
وعد : سيف اعترفلي بانه بيحبني
فرح : اه مانا فرحت لما قال كدا قدام نرمين
وعد : قال ايه
فرح : قال انه بيحبك قدامنا كلنا وهزق نرمين وقال فيكي اشعار يابنتي فاتك نص عمرك

*وعد فرحت و اتأكدت انه بيحبها*

وعد : وبصراحة ف حاجة كمان
فرح : خير
وعد : اه هو خير .. انا وسيف اتجوزنا
فرح : وايه الجديد مانتو ... ايه دا استني انتي قصدك
وعد بفرحة هزت رأسها : اه
فرح حضنتها : مبروك يارووحيي ... سيف مش هيلاقي احسن منك
وعد : عقبالك ياحبيبتي انتي وعمر
فرح بزعل : يارب
وعد: مالك .. حساكي مضايقة .. هو عمر عملك حاجة
فرح : لا عمر معملش .. بس موضوع الكذبة دي مزعلني مش عاوزة اخبي عن عمر حاجة لازم يعرف اني بنت كمال الهلالي .. وكل لما اقوله حاجة تحصل تمنعني

وعد : انا اسفة .. انا السبب
فرح : متتأسفيش .. انتي عملتي كدا علشاني .. مكنتيش تعرفي ان انا وعمر هنحب بعض .. بس انا لازم اقولو

نهلة سمعتهم : انا بقا كدا عرفت انا هعمل ايه

____________________________

فاطمة : عمر ياحبيبي انت عامل ايه
عمر : انا كويس ياماما
فاطمة : ايه اللي واخد عقلك بقا
عمر : فرح ياماما
فاطمة : مالها ياحبيبي
عمر : عاوز اخد خطوة ف علاقتنا ...عاوز اتقدملها
فاطمة : وماله يابني .. نروح نطلبها من اخوها وامها .. البنت كويسة وانا بحبها بصراحة
عمر بفرحة : ماشي ياماما .. انا هكلم فرح اخليها تحدد معاد مع اهلها

*الجرس رن*
فاطمة : خليك انت انا هشوف مين ..
راحت تفتح
فاطمةة: الست نهلة .. خير اتفضلي
نهلة : شكرا .. انا جاية لعمر .. هو هنا
فاطمة : اه ولسه بتكمل ..عمر طلع شاف نهلة استغرب
عمر : اهلا وسهلا اتفضلي .. اعمليلنا حاجة نشربها ياماما
نهلة : انا مش جاية اتضايف .. انا جاية اقولك نصيحة وامشي
عمر بقلق : خيير !
نهلة : ابعد عن فرح ياعمر ..

____________________________

ياتري ايه رد فعل عمر من طلب نهلة .... وايه الحاجة اللي نهلة عاوزة تصلحها قبل رجوع كمال ... هنعرف ف الاجزاء الجاية تابعوا .. متنسوش رايكم يهمني علشان اقدر اكمل 💛💛
ملحوظة: للوصول أسرع إلى الرواية أكتب في جوجل (أسم الرواية + مدونة كلام كتب)
  • قراءة الحلقة السادسة من رواية ابنتي ولكن بقلم ياسمين علي أضغط هنا
اقرأ وحمل أيضًا
الاسمبريد إلكترونيرسالة