قصة ملك وكامل بقلم تقي بدر كاملة من الفصل الأول للأخير

الصفحة الرئيسية

قصة كامل وملك كاملة من الفصل الأول للأخير بقلم الكاتبة المصرية تقي بدر عبر كلام كتب 

قصة ملك وكامل البارت الأول

 المأذون-: بارك آلله لكم وبارك عليكما وجمع بينكما فى خير.
سمعت الجمله دى مقدرتش اخبى دموعى.
دخلنا شقتنا وهو قفل الباب وانا سئلت عن اوضتى وشاورلى عليها.
قعدت ع السرير بفستان الفرح وانا بعيط لربنا وبسئله وبتكلم معاه بعياط
《ليه يارب اتجوز واحد اول مره اشوفه فحياتى النهارده ؟!!...ليه اتجوز واحد مبقاش فاخوره بيه قدام نفسى واصحابى؟!...ليه ال اتجوزه يكون عاجز ؟!..ليييه؟!  انا كان نفسى ال اتجوزه يكون بيحبينى وانا احبه زى ابطال الرويات ال انا بقراها .. ليه يارب؟!!  》
الساعه بقت ٢ بليل وانا فالاوضه بعيط لربنا قومت لبست اسدال وفضلت اصلى لحد مالفجر اذن وصليت الفجر والنوم غلبنى وانا ع السجاده.
صحيت حوالى كانت الساعه ٨ الصبح فكنت جعانه جدا غيرت الاسدال ولبست بجامه وخرجت لقيته نايم على الكنبه بلبس الفرح  .
فضلت بصاله شويه بتامل ملامحه هو :-《هو طويل .. جسمه رياضى جدا.. شعره اسود لامع وطويل وغزير جدا ..عيونه لونها عسلى فاتح.. ملامحه رجوليه اوى.. ووسيم بزياده 》
فضلت اتكلم مع نفسى
يارب هو شكله حلو بس العيب الوحيد ال فيه ايده المقطوعه دى وكمان اليمين يعنى عاوزنى خدامه ليه .. بس ممكن خير ..وممكن شر برده انا معرفش شخصيته عامله ازاى او طبعه .. انا حتى مسمعتش  صوته قبل كدا.
خلصت كلام مع نفسى
ودخلت المطبخ حاولت اتعرف ع مكان الحاجات والاكل وكدا وعملت لنفسى سندوتش ونسكافيه .
دخلت اوضتى فضلت قاعده ع السرير وانا باكل افتكرته.. دا المفروض مكلش من امبارح وهو عمره مهيجى يقولى واكيد جعان ..دا مهما كان انسان  .. انا هقوم اقوله.
طلعت برا الاوضه وفضلت ءاقرب منه ببطئ .. كنت خايفه جدا منه ايدى كانت بتترعش و قلبى كان ضرباته زايده .
انا:- كك كامل
كامل:- .....
انا عليت صوتى نسبيا:- كااامل
    رد عليا وهو مكانه من غير ميفتح عينه او يبصلى..
كامل :- افندم؟!
انا -: اعملك تاكل؟
   قام قعد وفتح عينه ورفعلى راسه وقالى،...
كامل:- اه ياريت .. قصدى لاء م جعان
انا:- انت مكلتش من امبارح
كامل بزعيق  :- لما اجوع هعمل لنفسى ... بتبصيلى كدا ليه ؟! اه بعرف اعمل اكل  انا م عاجز اوى كدا فاهمه ولا لاء؟!
انا:- بس انا
كامل:- انتى هتناقشينى .. ابعدى من وشى واعتبر نفسك عايشه لوحدك
  مقدرتش أقاوم نفسى ودخلت اوضتى واترميت ع السرير وفضلت اعيط .. هو انا عملتله اى دا انا طالعه اسئله ياكل ولا لاء .. دى جزاتى يزعق فيا كدا .. الظاهر ان بعد كدا ايامى كلها عياط .
حوالى ١٠ دقايق لقيت باب الاوضه اتفتح وهو دخل
كامل:- معلش اتعصبت عليكى وزعقتلك.. بس انا م بحب حد يخدمنى او يشوف ضعفى غير امى.. آسف
خرج من غير مياخد منى اى رد فعل .. بس انا ابتسمت من كلامه وفرحت وقومت مسحت دموعى وخرجتله كان قاعد ع الكنبه وباصص ع السقف.
انا:- احم .. اسفك مقبول وعلفكرا محصلش حاجه .
  بصلى وابتسم من غير ميرد..
(فعلا ابتسامته تدوخ.. وعنده غمزات كمان  )      
انا:- طب هاا تتغدى ايييه؟!
كامل بصرامه :- ال انتى عاوزاه .. اعملى ال هتكليه
انا بزعل :- هو م هتااكل؟!
كامل ببرود:- لاء ولو سمحتى سبينى لوحدى.
"سبته  ونا متضايقه عشان هو مكلش ومش راضى يقول عشان م يجرح كرامته قررت انى اعمل اكل واقنعه بعدين
كنت هدخل المطبخ بس اتفأجت بالباب بيخبط اكيد اهلنا ال انا م عاوزه اشوفهم .. بكرهم عشان جوزونى واحد ماعرفهوش وطبعه وحش وانا م بحبه وهو كمان مش بيحبينى.. اتفأجت اكتر لما لقيته بينادينى ..روحتله بسرعه جدا ممكن محتاج حاجه وسبت الباب بيخبط   .
كامل:- انا م عاوز اشوف حد.
انا بصوت مرتعش وخايف لان كان غضبان جدا ووشه احمر وبيهز رجله جامد.
انا:، تمام ولا أنا عاوزه اشوف حد فمش هنفتح لحد.
كامل بجديه:- لاء هتفتحى
انا:- يعنى افتح ولا مفتحش
كامل:- افتحى بس انا عاوز منك حاجه .
انا:- ماشى قول
كامل:- ممكن تبينى انك زعلانه جدا ومتضايقه ان انا مضايقك بعجزى عشان يوافقو نتطلق  .
انا بفرحه ان هو ناوى يطلقنى :- تمام اوى .. هتقعد معاهم ولا هتدخل جوه .
كامل :- لاء مش هقعد .
 طلعت جرى بفتح الباب وانا  قلبى هيقع من الفرحه بس لازم ابين غير دا.
فتحت الباب ووشى مكشر.. لقيت العلتين مع بعض عيلتى وعيلت كامل ..

قصة ملك وكامل البارت الثاني

《زغاريط بقا وبوس واحضان و مبروك بقا 》فعلا كانو محسسنى اننا واخدين بعض عن حب او حتى صالونات دانا اول يوم اشوفه كان امبارح .
ماما :- مبروك يلوكتى .
انا مردتش عليها طبعا
ماما:- فى اى
انا:- مفيش اتفضلو ع الصالون اتفضلى يطنط(مامت كامل)
قعدنا كلنا انا وبابا وماما وتقريبا بابا كامل ومامته وبنتين كمان. بابا بدء يتكلم .
بابا -: ملك دا مراد بيه بابا كامل .. ودى الست مياده مامته .
انا ووشى مكشر بقا وباصه فالارض :- ازيك يطنط اهلا يعمو.
ماما كامل :- انتى قمر واللهى .
انا من غير ما ابصلها:- شكرا .
مامت كامل :- دى مها اخت كامل .. ودى كارلا بنت عمه
 لقيت ال قطع كلام مياده فجاه و
كارلا:- وكنت خطيبته .
 انا اضايقت جدا م عشانه لاء عشان طريقتها المستفزه وهى اصلا شكلها نزهى كدا ومتكبره كدا وبتتكلم بارف.  
انا:- اهلا يمها.. اهلا كارلا
سكت بعد كدا وحطيت وشى فالارض
مامت كامل:- هو كامل فين يبنتى؟
انا :- نايم يطنط لسه نايم من شويه.
بابا لقيته بيقولى بصرامه:- انتى مالك عامله كدا ليه ولا كأن فرحك كان امبارح.
كنت لسه هرد واقول بقا ال احنا متفقين عليه انا وكامل وهزود من نفسى كمان .. لقيت ست كارلا نطت  فالكلام
كارلا ببرود وتكبر:- اه اكيد يعمو .. زهقت من كامل وزعلانه انها اخدت واحد زى كامل يعنى ايده مقطوعه ومش بيعرف يعمل حاجه لنفسه.. وشغله كله فبيته.. ومش بتحبه وكدا وهو اكيد اتنرفز عليها بأسلوبه البايخ جدا ومش بعيد ضربها .. يايده الشمال.. وضحكت بعدها جامد .
كل ال كان موجود كان مستغرب جدا من ال قالته وأبو كامل  كان بيبوصلها بأرف ومامته كمان
انا بصراحه مستحملتش اسمع على انسان كدا فقررت ارد عليها واجيبله حقه خصوصا ان باباه ومامته متكلموش
انا:- نعم ؟! مين ال قالك انى متضايقه من كامل انا بحمد ربنا اصلا ان انو عمل كدا عشان اتجوز واحد زى كامل واحد مكنتش احلم بيه اصلا .. طيب وراجل فنفسه وشكله حلوه جدا وحنين كمان فانا بقولك انى حبيته اه ومن امبارح بس امابقا حكايه ايده مقطوعه دى ال بتقولى عليها فانا مش شيفاها اصلا لان ال بيحب حد مش بيشوف عيوبه ودى ان كانت عيب اصلا.. وشغله ال فالبيت دا ..  حاجه حلوه جدا ع الاقل هيكون جمبى طول اليوم وعلى فكرا أسلوبه مش بايخ  ممكن يكون بيبقى بايخ مع ال زيك انتى بس اما انا لاء.. فاهمه ولا لاء وبعد ال انتى قولتيه فحق جوزى وحبيبي دا فإنتى ملكيش قعاد هنا فاتفضلى اطلعى برااا..." قولت الجمله الاخيره بصوت عالى"
هى كانت قاعده بتسمع ووشها بيحمر وبتهز فرجلها ومتوتره اما الباقى كله كان قاعد مبتسم وفخور بيا.
خلصت كلامى وهى بصتلى بأرف واخدت شنطتها
وطلعت برا قولتلها باستفزاز.. خدى الباب فايدكى
كلهم قالو نستادن احنا بقا وماما حضنتنى وشوفت الفرحه فعنيها وبابا باس راسى وعمو ال هو بابا كامل سلم عليا و طنط وهى ماشيه همستلى فودنى
طنط:- ع فكر كامل عمره محبها.. وانا كنت واثقه انك بنت ناس وهتستحملى ابنى وحضنتنى بحب.
 مشيوا وانا قفلت الباب كنت فرحانه عشان شوفت فرحت الام ببنها، وفرحت ماما برضه مع انى مش طيقاها هى وبابا زعلانه جدا عشان كدا م هتعرف نطلق انا كدا وقعت نفسى فمصيبه.
دخلت اوضتى صليت الظهر.. ولقيت الباب بيخبط
كامل :- عاوزك برا .

قصة ملك وكامل البارت الثالث

غيرت الاسدال ولبست بجامه عليه Tom وJerry  وطلعتله دورت عليه فكل حته ملقتوش فقررت انده عليه
انا:- كااامل
كامل:- ف البلكونه انا فالبلكونه.
 طلعتله واول مشافتنى لقيته بيضحك جامد اوى .. سرحت فضحكت وعيونه ال بتغمض لما بيضحك.
انا ببتسامه:- هو فى اى؟!
كامل:- احم احم معلش اصلك المفروض كبيره يعنى.
انا:- طب منا كبيره .
 ، و فجأه اختفت الابتسامه وقالى.
كامل:- انتى عملتى ايه برا .
انا قولت دا قلب بقا وهيمسخرنى وشتيمه وضرب بقا
قلقيت نفسى بعيط تلقائي.
كامل ببرود:- انتى بتعيطى ليه دلوقت؟!
انا بعياط:- عع عشان خالفت الخطه .. بس واللهى انا اسفه
كامل بنفس البرود:- امسحى دموعك وقولى خلفتيها ازاى؟!
انا :- ااصل اصل ست كارلا قالت كلام عليك ضايقنى جامد وانا اضطريت أختلف مع الخطه بدال مكنت جبتها من شعرها  وحكتله ال حصل
كامل :- ..... سكت
انا :- ءءنا اسفه وعياط مستمر.
كامل :- انا سمعت على فكرا كل حاجه.. وتقريبا مش متضايق.
انا :- اى دا امال سايبنى احكى من الصبح ليه يأستاذ
كامل:- عشان اشوفك بتكدبى عليا ولا لاء .
انا:- عاوزه اسئلك سؤال .. هو انت كنت بتحب كارلا.
كامل :- حاجه متخصكيش.
أتضايق جدا وسبته واقف ودخلت وانا هفرقع من الغيظ واديرت و قولتله بعفويه طب على فكرا بقا هتاكل غصب عنك هه وطلعتله لسانى.. ضحك بصوت عالى صوت ضحكته بيخطف القلب.
عملت الاكل وجه وقت الغدا حطيت الاكل ع السفره ورحتله كان ماسك الفون بتاعه(حاصط الفون ع رجله وشغال يايده الشمال)
انا:- يلا حطيت الاكل
كامل:- مش هاكل
انا :- لييه ؟!
كامل:- م جعان
انا بنكسار:- لو سمحت تعالى كُل انت من امبارح مئكلتش وبعدين انا عامله اكل حلو يعنى.
كامل :- معلش سبينى عراحتى.
انا :- طب هو بعيد عن الاكل انا عاوزه اتكلم معاك .
كامل :- اتفضلى
  ،، قعدت قدامك و
انا :- بص هو انا هتكلم معاك  قبلت كلامى تمام مقبلتش خلاص ولا كأنى قولته.
كامل:- انا سامعك
 انا:- هو انا و انت  مكناش موفقين ع الجوازه دى ودا ال انفرض علينا واحنا قاعدين مع بعض دلوقت وبال انا عملته هنضطر نعقد مع بعض فتره طويله ااقل حاجه سنه وانا بصراحه ارتحتلك كنت خايفه من شخصيتك وكدا بس انا خدت عنك فكره مش وحشه فاحنا ممكن نتعامل كصحاب على مالفتره دى تعدى .. فال هو مفيهاش حاجه اما تقعد تأكل معايا او حتى انا ءاكلك او لو عاوزت حاجه اساعدك فيها وبعدين ممكن تعتبرنى اختك او حتى مامتك ال انا ارتحتلها جدا وعلى فكرا الشرف ليا .. ممكن تفكر فالكلام دا ونتعامل مع بعض بطبيعتنا وبعفويه وكدا فحدود الصداقه والاخوه.
كامل ابتسم :- مبدئيا انا كمان اخدت عنك  فكره كويسه جدا وخصوصا بعد ما رديتى على كارلا الرد دا .. اما حكايه بقا التعود على وجودك دا او اتعامل معاكى  زى ماما وكدا فدى هتاخد وقت شويه.
انا  بهزار:- قدامنا وقت كبير يعنى سنه كامله .
اكتفى كامل انو يبتسم ومتكلمش.
انا:- طب مش هنتغدى بقا.. انا جعانه من الصبح .
كامل:-  لاءهنتغدى.
انا:- ماشى عامله بقا صنيه بطاطس ورز عسل.
ابتسم ومردش .
شديت الكرسى ال ع اول السفره وقعد وانا قعدت ع الكرسى ال جمبه .
كنت بأكله وباكل فنفس الوقت
كامل:- شكرا جدا ع تعبك .. انا خلاص شبعت
انا:- اولا مفيش شكر بين الصحاب ثانيا انت كلت حاجه.
كامل:- واللهى شبعت .
انا:- احنا بما اننا صحاب عاوزين نتكلم
كامل بتنهيده:- ماشى مستنيكى فالبلكونه
انا:- خلاص هشيل الاكل واجيلك.
بعد حوالى ½ ساعه كنت خلصت وطلعتله فالبلكونه.
انا:- ومعاك واحد نسكافيه وصلحه
كامل بضحكه ال بيدوخنى دا:- ماشى عالعموم شكرا.
انا:- تانى شكرا.. المهم نتكلم فاى؟!
كامل :- انتى ال عاوزه تتكلمى عفكرا .
انا:- صح..طب يلا انا اسئلك سؤال وانت تسئلنى سؤال ونتكلم بصراحه من غير زعل
كامل:- موافق .. يلا ابدئى.
انا :- اتجوزتنى لييه؟!
كامل بتنهيده حزن:- اقولك يستى .. اتجوزتك عشان بابا زهق منى ومن ارفى ومن خدمه ماما ليا وان ماما مبقتش فضياله وانى بقيت عبأ عليه ومصدق لقى واحده اهلها راضين بيا وانى بقيت ٢٧ سنه ولسه متجوزتش وان انا لو متجوزتكيش مش هتجوز خالص اصلا .. وان دا امر واقع ولازم يتنفذ حتى لو على موتى وكدا يعنى بس... ها عرفتى؟!
انا:- اه .. معلش متزعلش منه من كلامه كان عاوز مصلحتك.. هاا اى سؤالك؟!
كامل:- انتى بقا اتجوزتنى ليه؟!
اتا؛- انا زى اى بنت كنت بقرا رويات وكنت بتخيل نفسى البطله وكدا وكنت دايما بتمنى قبل منام انى ال اتجوزه اكون بحبه وبيحبنى ونعيش فساعده فجأه لقيت بابا بيقولى ان فى عريس متقدملى وانو موافق عليه جدا حتى لو انا موافقتش والفرح بعد يومين وانى لو مَوت نفسى هتجوزه كدا كدا.. وان فيه ثافقه بينه وبين ابو العريس دا ولو الجوازه متمتش الثافقه مش هتم ودى خساره كبيره ليه و فجأه لقيتنى اتجوزتك.
كامل:- ربنا هيعوضك من بعدى خير؟!
انا:- تتخيل ممكن اقابل حد يحبنى واحبه.
كامل :- أكيد.. دورك بقا.
انا :- ماشى .. ها انت بتشتغل اى وبتدرس اى ؟!
كامل ؛- انا تجاره انجلش..  وبشتغل مدير اداره الشركه بتاعت بابا.
انا:- عفكرا وانا كمان تجاره انجلش .. بس م بشتغل.. وكدا اعتبر نفسك سئلت وانا جاوبت وانا ال عليا الدور اسئل
ضحك كامل و
كامل :- ماشى.
انا بصوت واطى:- هو انت كنت بتحب كارلا وخطبتها ليه ؟!
كامل:- تانى نفس السؤال .. بس هجاوبك
. كارلا يستى بنت عمى بابها ومامتها ربنا يرحمهم عملوا  حادثه وهى عندها ٣ سنين فجت عاشت معانا خطبتها وكدا عشان متبقاش لوحدها وكدا وانى احافظ عليها بعد بابا بعمر طويل وكدا.
انا:-  يعنى كنت بتحبها!!
كامل:-  كنت بحبها كبنت عمى.
انا :- امم
انا؛- انت عارف عاوزه اسئلك سؤال بس عارفه انك هتتضايق منه او تزعل.
كامل:- اى السبب فقطع ايدى ؟!
انا:- صص صح
لقيته غمض عينه وبدأ يحكى
كامل:- كارلا السبب كارلا كنت راجع من الشغل تعبان جدا ومش شايف قدامى فكارلا قالت إنها هتسهر مع اصحابها وكده وكان الوقت متاخر شويه فطبعا ما كانش ينفع اسيبها  تروح لوحدها طبعا قلتلها كثير ان هي تخليها لوقت تاني وكده بس كانت مصممه جدا رحت معها رحنا و سهرنا سهرنا كثير بعد حوالي ثلاث ساعات قلت لها اننا نرجع وكده  قالت ماشي واحنا راجعين  عملت حادثه ورحت المستشفى طبعا عملت بتر وهى مجرلهاش حاجه قعدت في المستشفى شهرين وهى طول الشهرين دول ما جتش عبرتني حتى لما رجعت  واجهتها قالتلى انها كانت بتسئل ماما عليا وكدا وبعد اسبوعين جت قالتلى انها مش هتتحمل  عجزى وانها صغيره وكدا ولسه المستقبل قدامها واننا لازم نسيب بعض ايوا انجرحت اوى بس نسيت ومن ساعتها وانا بكرها وبس
فضلنا باصين لبعض شويه مبنتكلمش وبعد ١٠ دقايق
انا:- انت عارف ان الدنيا ضلمت.
 اتصدم وبص فساعه ايده  وقال
كامل:- يااااه بقالنا ٦سعات بنتكلم الساعه ٢ الفجر
أنا:' فعلا محستش بنفسى .. سيبك المهم تتعشى
كامل :- لاء انا م بتعشى
انا :- طب هعمل سندوتشات ناكل على الفجر ياذن نصلى .
كامل :- موافق.
 روحت عملت سندوتشات واكلنا وفضلنا نتكلم اكتر ونتعرف على بعض لحد مالفجر اذن .
كامل :- هتصلى
انا:- يلا جماعه ؟!
كامل بابتسامه :- يلا جماعه
اتوضينا وكنا بنصلى كان هو الإمام كان خاشع جدا وبيقرء القرءان بتركيز اول مره انا كمان ابقا مركزه فالصلاه كدا لدرجه انى عيط على حالى متجوزه راجل مبحبهوش وكان خاطب قبلى وهبقى مطلقه كمان سنه و حجات كتير خلصنا صلاه.
انا :- حراماً
كامل:- جمعا ان شاء الله.
انا:- م هتنام
كامل:- هنام.. تصبحى على خير.
انا:- وانت من أهله.
دخلت نمت وصحيت حوالى الساعه ٢ الضهر..
صحيت على صوت فونى بيرن اخدته وطلعت برا .
انا:- ماشى ان شاء الله معادنا الاسبوع الجاي.
، مكنتش واخده بالى ان كامل كان صاحى وكان ماسك اللابتوب وبيشتغل.
كامل:- احم هو مين كان ببكلمك
انا بحزن:- الدكتور بتاعى كان بيحدد معاد العمليه.
كامل بخضه:- عع عمليه هو انتى تعبانه
انا بتنهيده:- م تعب دى عمليه الزايده.
كامل :- ايوا.. طب كلمتى مامتك وباباكى عشان تعرفيهم.
انا:- مش هعرف حد.. محدش مهتم محدش فاضى بابا مشغول بشغله وشركاته وماما مشغوله بالسفر وصاحبها و الموضه ولبسها  للآسف محدش فاضيلى .
كامل:- هتروحى مع مين
انا:- لوحدى.
كامل:- انا هاجي معاكى.
انا بلهفه:- بجد.. هو ينفع
كامل :- وليه لا.. بس دا لو مش يضايقك
انا :- لاء طبعا ياريت تيجى.
كامل:- ان شاء الله
انا :- طب انت م جعان
كامل :- لاء
انا:- طب إحنا مكلناش من امبارح والساعه دلوقتى ٣ العصر انا  هقوم اعمل الغدا.
كامل:- وانا هخلص الشغل .
 قومت عملت الاكل واكلته واكلت.. والاسبوع كله عدى علينا بنفس الأحداث ودا وقت العمليه واحنا دلوقتى فالمستشفى
انا:- ءءنا خايفه اوى .
كامل كان باين عليه الخوف والتوتر بس بيحاول يخبيه:- لا مش كدا دى عمليه خفيفه جدا مش هتحسى بحاجه خالص   
وبعدين انتى قويه والمفروض بتستحملى كل حاجه
 " كان بيحاول يطمنى ويقلل خوفى..بس انا كنت خايفه وبعد ٣دقايق بالظبط الدكتور جه
الدكتور:- يلا يملك
انا:- دلوقت يدكتور
الدكتور :- اه عشان تلحقى تجهزي وتلبسى لبس العمليات
انا:- طط طيب .. ودمعت

قصة ملك وكامل البارت الرابع

    " انا كنت خايفه جدا انا عمرى معملت عمليه او اخدت ابره حتى وكمان بابا وماما مش معايا وممكن اموت اه كنت مأفوره بس بقولكوا دى اول مره ليا"
الدكتور :- لا م كدا ..دى عمليه بسيطه جدا يعنى ممنهاش خوف دى شكه دبوس يعنى
انا:- يي يلا يدكتور
  " وخرجنا واحنا خارجين .
كامل :- لا إله إلا الله .
انا:- محمد رسول الله.
  عملت العمليه وعدت الحمد لله محستش بحاجه والدكتور وهو بيفوقنى من البنج قالى انى اخلينى قويه عشان الشخص ال برا منهار من العياط قصده على كامل.
خرجت ورحت البيت  ومقلتش لحد على موضوع العمليه الا صحابى وكدا .
فجم يزرونى تانى يوم.
 انا نايمه ع السرير وهما قاعدين معايا فالاوضه.
مريم:- اى دا ابوكى اشترالك شقه
نهاد .:- ماشيه معاكى يعم .
كارما:- ايوا بقا
انا:- ابويا مين  ال اشترالى شقه دى شقه جوزى
  ، التلاته بصوت واحد.:- جوووزك
انا:- اه جوزى .. بس واللهى معلش الموضوع جه بسرعه الخطوبه وكتب الكتاب والفرح كانوا  فيوم واحد.
كارما:- طب هو فين
انا :- ممكن تتطلعى برا الاوضه وتنادى تقولى يكامل
بالفعل مريم طلعت
مريم:- كااامل
مفيش ثوانى ولقيته جاى بيجرى
كامل :- اى يملك تعبانه اطلب الدكتور.
انا :- لاء مفيش حاجه اعرفك ع صحابى بس ..دا كامل يجماعه جوزى وصحبى وطيب جدا وراجل اوى ودى مريم و كارما ونهاد يكامل .
كامل :- اهلا بيكوا.. استأذن انا بقا..
  وخرج كامل  ومخلصتش طبعا  من كلام صحابى .
مريم:- اى يبنتى ال جابرك تتجوزى واحد زى دا
    لسه مردتش لقيت نهاد
نهاد: ليه دنتى ١٠٠ واحد اتقدملك وكنتى بترفضى  
    وبعدهم علطول كارمن
كارمن:- ساكته ليه .. انتى متجوزاه غصب.
انا:- اى اى الكلام دا .. متجوزاه غصب مين لاء م غصب وبعدين انا بحبه وهو بيحبينى وال ايده مقطوعه دا عاجبنى عاجبنى اوى كمان .. ولو سمحتو م عاوزه واحده تتكلم عليه نص كلمه.
قعدو شويه وبعدين خرجوا.. وبعد مخرجو كامل جه .
كامل :- معلش مش ععرفت اقعد معاكى قدام صحابك عشان محرجكيش.
انا:- انت بتقول اى انت تشرف اى حد علفكرا.
كامل:' شكرا.. عفكرا انتى طيبه اوى.. وشكرا ع الكلام ال بتقوليه  عليا فكل مكان وقدام اى حد
انا:- انا م بكدب انت فعل راجل جدا وجدع وطيب وحنين وانا م بجامل.
كامل :- تمام .. ها اطلبلك اكل اى بقا
انا:- سمك😂
كامل :- ماشى 

قصة ملك وكامل البارت الأخير

" عدى حوالى ٨ شهور وانا وكامل علاقه الصداقه مبينا اتطورت جدا وبقينا صحاب اوى لدرجه انى انا ابقا ماشيه فالشقه الاقى كف ثلاثى الابعاد على قافيا وهو يبقى واقف يلاقى الشبشب ضرب فضهره وبقينا كمان نهزر بشتايم وهو مبقاش يتكسف لدرجه انو بقا يخلينى اعمله اكل فاليوم ١٠ مرات .
كامل:- يلا يبت اعملى اكل وتعالى اكلينى
انا:- يأخى زهقتينى بقا دى المره ال ١٣ ال اعمل فيها اكل انهارده
كامل :- اخلصى ولا ءءاوملك
انا:- خلاص يابا منت كنت حلو فالأول  وبتتكسف كدا
كامل :- البركه فيكى يسطا
انا:- مدير شركه بيقول يسطا.
كامل :- انا جعاااااااان
انا:- خلاص قايمه.
  عملت اكل وقعدت أكلته وخلصنا.
انا:- ولا قوم هات الأطباق دى.
كامل بمرح  :- حرام عليكى دنا بايد واحده هتبوظيهالى    
انا:- اخللص
 غسلت الأطباق وعملت قهوه وواحنا بتشرب القهوه
انا:- كامل انا جيالك وانا مكسوفه منك وبقولك انا عاوزه ٥ تلاف جنيه عشان اجيب شكولاته اعمل كيكه واعمل شوبنج.. والروايات ال عندى خلصتها وهجيب جديده  ..وواللهى لو ضربتنى لاقول لامى عليك  .
 ، كان بيشرب القهوه تفها فوشى من خضه السعر.. و
كامل: تعالى هنا بالأدب
انا:- اى .. هتضربنى
كامل:- عيب عليكى هفهمك حاجه بس.
 روحت جمبه راح مسكنى من قفايا و
كامل :- هو مش من يومين لسه واخده الفين جنيه
انا :- اه
كامل:- طب اى بقا دنا ال ١٠ شهور دول صرفت فيهم قد ال صرفتهم طول حياتى.  
انا:- مش انت صحبى
كامل :- خلاص
انا:- هتدينى ..
كامل :- اه اما تعمليلى قهوه بدال ال تفتها عليكى.
انا: اسفخس عليك راجل استغلالى
كامل:- انا برده .. غورى.
تانى يوم الصبح .
كامل نايم فسابع نومه
انا:'كااااااااااامل
كامل:- اييييييه البيت اتهد
انا:- لاء
كامل:- اومال بتصحيييييينى ليه
انا:- عشان نروح نعمل الشوبنج ال لسه واخده فلوسه منك امبارح.
كامل :- لا انا اخاف على سمعتك ..مينفعش تخرجى مع راجل غريب مش دا كان كلامك يختى😂انا هنام
انا:- مش انت المفروض جوزى مش دا كلامك يخويا😂 مش هتنام
خرجنا عملنا شوبنج وجبنا حجات كتير اوى وهو جابلى حجات كتير اوى و شوكولاته كتير اوى واتصورنا كتير اوى للذكرى عشان هنتطلق كمان شهرين
الوقت عدى بسررعه جدا
  والمفروض هنتطلق بكرا كنا نايمين وصحينا على جرس الباب .
قومت وطلعت برا لقيته هو كمان طالع من اوضته.. قالى بحزن وكسره كانو واضحين عليه ادخلى البسى حاجه دول اكيد اهلنا جايبين المأذون.. ادخلى البسى
انا:' حاضر  .
 دخلت لبست وهو طلع قعد معاهم ومع المأذون.. 《طبعا احنا كنا فهمنا اهالينا بعد ٦ شهور اننا مش مرتاحين واننا هنتطلق بعد ٦ شهور كمان عشان محدش من الناس يتكلم طبعا بابا وافق لان الثافقه كانت تمت وكدا 》
خرجتله والماذون كان جه قعد فوسطنا يبنى انا وكامل وكان بيحضر نفسه
انا فنفسى:- آه يكامل اه.. انا اتعود عليك وعلى وجودك فحياتى .. وعلى هزارك ورخامتك واحساسى انك ملزوم منى وانا ملزومه منك .. مبقتش احس بالوحدة وان معاك
كامل فنفسه:- اه يملك.. انا كنت خلاص مصدقت الاقى حد اتعود عليه .. مصدقت الاقى حد اكشفله احزانى.. مصدقت مبقتش وحيد ههزر مع مين .. هلاقى مين يخللصى مرتبى .. هلاقى مين يتحمل اعاقتى
  ،، المأذون كان خلص أوراقه و
المأذون:- راجعو نففسكوا يجماعه.. ان أبغض الحلال عند الله الطلاق
بابا كامل : شوف شغلك يشيخنا
  تم الطلاق وانا متضايقه اوى حاسه انى هعيط وسلمت ع كامل ومشيت
عدى يومين وانا اكتئيت ومبقتش اكل ولا اشرب ونايمه دايما فاوضتى .. اصلى مبقتش الاقى حد ييسمعلى يهتم بتفاصلى ويخاف عليا .. مبقتش الاقى حد اهزر معاه او اسهر معاه .
لقيت ماما دخلت عليا فوقتنى من شرودى
ماما:- فى عريس جايلك وباباكى موافق.
انا انهارت :- عريس عريس اى او ازاى .. دنا لسه متطلقه من يومين.. هو كان مستنينى ولا اى..لاء م هتجوز اصلا
ماما:- انتى حره بقا اجبلك ابوكى يتصرف.
انا:- انتى كدا .. هتفضلى طول عمرك كدا     .. انتى ام ازاى انتى المفروض فصفى مش ضضددى.. اطلعى برااااا
ماما:- انا هنديلك ابوكى
حوالى عشر دقايق ولقيت بابا داخل.
بابا:' ف عريس جايلك.. وانتى هتوافقى وهتطلعى تقابليه بليل خلصت انا كلامى.
طلع قبل مرد عليه كالعاده يجى يدينى أوامر ويخرج من غير ميسمع ردى فكرت فالانتحار اللحظه دى بس افتكرت ربنا وقومت اصلى وادعي ربنا يعملى  الخير  
بعد سعاات لقيت بابا داخل
بابا:- لسه ملبستيش الراجل تحت ٥ دقايق ولو  ملقتكيش لبستى ونزلتى هطلع ارميكى من البلكونة ال انتى واقفه فيها دى.
لبست وخرجت ورحتلهم الصالون.
بابا:- طب نسييهم مع بعض شويه .. صوت بيرد عليه بيقوله طبعا نسيبهم ...انا معرفش صوت مين لانى كنت باصه فالأرض .
قعدت قدامه هو متكلمش وانا مش هتكلم وباصه فالارض .
بعد حوالى١٠ ثوانى
اتا:- اى دا انا شوفت الجزمة دى قبل كدا
هو:- جزمه يجزمه.
انا رفعت راسى وبصتله لانى عرفته من صوته
انا:- كااامل
 وجريت عليه جضنته.  وهو باس راسى
كامل:- هااا؟! تتجوزينى بس كزوج مش كأخ   .
انا:- اه اه اتجوزك  .
كامل:- انتى عارفه انا اتجوزتك لييه تانى؟!
انا:- ليه؟!
كامل:- الفلوس بقت كتير معايا اوى مش عارف اعمل فيها اى من ساعه مسبتينى
 :" انا ضحكت جامد جدا من قلبى .. انا عمرى مضحكت من قلبى غير معاه ودمعت فعلا دمعت من كتر الفرحه.
انا :- انت عارف يلا انا بحبك اوى اه واللهى
كامل :- انتى عارفه يبت انا يحبك اوى اه واللهى
-: اتجوزنا
اتجوزنا  وبعد ٩ شهور.
انا:- كااااااامل
كامل:- ايه يبت اى
اتا:- بووووولد
كامل:- بتولدى ٤ الفجر ليييييه.
انا :- شديته من شعره .. امر ربنا يبن الظرييييييفه.
كامل:- وانا اعمل اى
انا:- الحقققققققنى
كامل:- انتى كدا افدتينى.. الحقك ازاى
انا:- إسعاف إسعاف.. اطلب الإسعاف.
كامل:- والراجل بتاع الاسعاف زمبه  اى يصحى دلوقت
انا:- اتصصصصصل.   ينعل ابو اليوم ال اتجوزتك فيه محنا كنا صحاب بدال العذاب دا
كامل :- اتصلت خلاص اخرصى بقا ودنى  باظت .
،  الإسعاف جت وروحنا المشتشفى ودخلت العمليات وطلعت كامل كان قلقان عليا فعلا.
كامل:- سلامتك .. عامله اى دلوقت.
انا:- كويسه.. انا جبت اى
كامل:- حبتى بيبى
انا:- اى دا بجد كنت مفكره جبت كلب..ولد ولا بنت يبنى.
كامل :- ولد قمر  كدا.. هاا؟! هنسميه اى
انا:- يزن.. هنسميه يزن
كامل :- ماشى يزن.
بعد ٢٦ سنه
انا:- انا فرحانه اوى اخير عشت لما حضرت فرح ابنى.
كامل:- اه كَبرنا الواد انا كمان فرحان اوى .
حور :- يابى مامى .. اققدملكو مازن.. انا وهو مرتبطين وان شاء الله جوزى المستقبلى.
كامل :- اى يبنتى دا .. انتى بجحه اوى عفكرا.. دا انا واامك متجوزين  بعض غصب عننا
مازن:- الزمن أختلف يعمو.. يلا يحورتى
حور :- يلا يميزو
كامل :- احييه ميزو. .اى دا انتى زعلانه ليه يملاكى.
انا:- انت اتجوزتنى غصب عنك .. طب طلقنى
كامل :' يبنتى دنتى النعمه الوحيده ال فحياتى.   دنتى امى واختى وصحبتى وبنتى وكل حاجه ليه دنا كل يوم بحمد ربنا عليكى ..
انا:- بحبك
كامل :- بعشق امك
ثم قالت:
"لقد وَجَدتُ بَطَلي وَلمْ يَكن في رِواية.. تمت رواية جديد اضغط هنا

google-playkhamsatmostaqltradent